"Əgər Taliban zorakılığı dayandırmağa və kompromisə hazır olduğunu bildirsə..." - NATO-nun Baş katibindən mesaj
Tarix: 15-02-2020 14:09 | Bölmə: Dünya
 "Əgər Taliban zorakılığı dayandırmağa və kompromisə hazır olduğunu bildirsə..." - NATO-nun Baş katibindən mesaj

​​​​​​​"NATO hələ ki, Əfqanıstandan getmək niyyətində deyil, lakin oradakı kontingentinin sayında dəyişiklik edə bilər".

"RİA Novosti”nin verdiyi xəbərə görə, bunu alyansın baş katibi Yens Stoltenberq deyib.

“Biz Əfqanıstandan getmirik, lakin əgər Taliban zorakılığı dayandırmağa və kompromisə hazır olduğunu bildirsə, oradakı hərbçilərin sayında dəyişiklik etmək mümkündür”, - Y.Stoltenberq qeyd edib.

Qeyd edək ki, ABŞ və Taliban ötən il bir neçə dəfə danışıqlar aparıb. Danışıqlar nəticəsində ABŞ-ın Əfqanıstan üzrə nümayəndəsi Zalmay Xəlilzad ilə Talibanın nümayəndə heyəti razılıq əldə ediblər. Razılığın əsasında atəşin dayandırılması, xarici qoşunların Əfqanıstandan çıxarılması və sülh danışıqlarının aparılması dayanırdı. Lakin ötən ilin sentyabr ayında Kabilda Taliban tərəfindən törədilmiş bir neçə terror aktında dinc sakinlərlə yanaşı, Amerika hərbçilərinin də həlak olmasından sonra prezident Donald Tramp danışıqları dayandırmaq barədə göstəriş verib/APA.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}