Kolumbiyadakı həbsxanalarda qiyam başlayıb - 23 ölü, 32 yaralı var
Tarix: 23-03-2020 12:39 | Bölmə: Dünya
Kolumbiyadakı həbsxanalarda qiyam başlayıb - 23 ölü, 32 yaralı var

Koronavirus epidemiyası səbəbindən Kolumbiyadakı həbsxanalardan birində baş verən üsyan nəticəsində 23 məhkum həyatını itirib.

Reyting.az
xarici KİV-lərə istinadla xəbər verir ki, Kolumbiya həbsxanalarında epidemiyaya qarşı tədbirlər görülməsini tələb edən məhkumlar tərəfindən başladılan etiraz aksiyası üsyana, daha sonra qarşıdurmalara çevrilib.

Qeyd edilir ki, paytaxt Boqota yaxınlığındakı La Modeo həbsxanasında baş verən üsyanda 23 məhkum ölüb, 32 məhkum isə yaralanıb. Üsyan zamanı həbsxana yandırılıb və məhkumlar qaçmağa cəhd edib.

Ölkənin ədliyyə naziri Kabello Blanko bəyan edib ki, həbsxanadakı qarşıdurma nəticəsində yaralanan məhkumlar xəstəxanalara yerləşdiriliblər.

Nazir əlavə edib ki, ölkənin bütün həbsxanalarında La Modeo cəzaçəkmə müəssəsindəki kimi etirazlar və həbsdən qaçmaq cəhdləri müşahidə olunur: “Bu hadisələr zamanı ümumilikdə 51 nəfər yaralanıb. Üsyanlarda 7 həbsxana əməkdaşı da yaralanıb, ikisinin durumu ağırdır. Ancaq heç bir müəssisədə məhkumların qaçmasına imkan verilməyib”.

Nazir sonda qeyd edib ki, Kolumbiya həbsxanalarında koronavirusa yoluxan bir məhkum belə yoxdur.

Reyting.az




Bölməyə aid digər xəbərlər
{sape_links}{sape_article}