"Neftçi" "Sumqayıt" komandasına qalib gəldi
Tarix: 27-10-2019 21:09 | Bölmə: İdman / Xəbər lenti
"Neftçi" "Sumqayıt" komandasına qalib gəldi

Azərbaycan Premyer Liqasında 9-cu turun oyunları davam edir.

Bu gün daha bir görüş keçirilib. "Neftçi" səfərdə "Sumqayıt"la qarşılaşıb. Görüş qonaqların qələbəsi ilə başa çatıb - 4:2.

Qollardan 3-ü penaltidən vurulub. 5-ci dəqiqədə Şəhriyar Əliyevə qarşı kobudluqdan sonra Mehdi Şərifi meydan sahiblərini önə keçirib. 28-ci dəqiqədə isə Stiven Monrozun qazandığı penaltini flaqmanın kapitanı Emin Mahmudov dəqiq yerinə yetirib. 34-cü dəqiqədə Baqali Dabo kombinasiyanı dəqiq tamamlayıb. Dabo 82-ci dəqiqədə Mahmudova daha bir penalti vurmaq imkanı qazandırıb. Kapitan bu dəfə də dəqiq olub. Bir dəqiqə sonra fransalı forvardın özü dubl edib. Matçda son nöqtəni uzatma dəqiqələrində meydan sahiblərindən Amil Yunanov qoyub.

Bu qələbədən sonra "Neftçi" xallarını 17-yə çatdıraraq, 2-ci pilləyə qayıdıb və lider "Qarabağ"la xal fərqini 5-ə endirib. 10 xala malik "Sumqayıt" isə 5-ci pillədə qalıb.

Qeyd edək ki, tura sabah keçiriləcək "Qarabağ" - "Səbail" oyunu ilə yekun vurulacaq.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}