23:44 / 25-06-2019
Fuad Abbasov Bakıya gəldi
Putin: "OPEC+ sazişi ilə bağlı bir sıra amillər nəzərə alınmalıdır"
Tarix: 06-06-2019 19:28 | Bölmə: İqtisadiyyat
Putin: "OPEC+ sazişi ilə bağlı bir sıra amillər nəzərə alınmalıdır"

Rusiya Prezidenti Vladimir Putin OPEC+ sazişinin müddətinin uzadılması ilə bağlı rəsmi Moskvanın fikirlərini açıqlamayıb, amma əvəzində qərar qəbul edilərkən bir sıra amillərin nəzərə alınmasının vacibliyini vurğulayıb.

"RİA Novosti" xəbər verir ki, o bunu beynəlxalq informasiya agentliklərinin rəhbərləri ilə görüşdə deyib.

"Bütün şərtləri, hər bir vəziyyəti - İranda, Venesuelada hasilatın azalmasını, Liviyada, Nigeriyadakı problemləri nəzərə almalıyıq. Eyni zamanda, yayda istehlakın artdığını da bilmək lazımdır", - deyə Putin söyləyib.

OPEC ölkələri və təşkilata daxil olmayan bir sıra başqa ölkələr (OPEC+) 2016-cı ilin sonunda neft hasilatının 2016-cı ilin oktyabr ayının göstəricisindən gündəlik 1,8 milyon barel azaldılmasına razı olublar. Daha sonra 2018-ci ilin iyun ayında - ABŞ-ın İrana qarşı sərt sanksiyalarının gözlənildiyi anda qiymətlərin qəfil yüksəlməsi ilə əlaqədar hasilatın gündəlik 1 milyon barel artırılması qərara alınıb. Lakin ABŞ-ın İran neftinin alıcıları üçün gözlənilməz geniş istisnalarından sonra alyans hasilatın azaldılması sazişinə geri dönüb - bu, 2019-cu ilin birinci yarısı üçün 2018-ci ilin oktyabr ayının səviyyəsindən 1,2 milyon barel az olaraq nəzərdə tutulub. İyunda Vyanada OPEC və OPEC+ ölkələrinin nazirlər iclası keçiriləcək və dövlətlər sazişin gələcək perspektivlərini müəyyənləşdirəcək/Report.скачать dle 10.5фильмы бесплатно




Bölməyə aid digər xəbərlər
{sape_links}{sape_article}