Bir ildir bağlı qalan cinayətin üstü açılıb - Fotolar
Tarix: 08-03-2021 11:06 | Bölmə: Xəbər lenti
Bir ildir bağlı qalan cinayətin üstü açılıb

Xızı Rayon Polis Şöbəsinin əməkdaşları əməliyyat-axtarış tədbirləri nəticəsində ötən ildən bağlı qalan oğurluq hadisəsinin üstü açıb.

Bu barədə Reyting.az-a DİN-nin Mətbuat Xidmətinin Quba rayonundakı regional qrupundan məlumat verilib.

Bildirilir ki, ötən ilin avqust ayının 20-də naməlum şəraitdə tikinti şirkətlərinin birinə məxsus dəmir torların oğurlanması barədə Xızı RPŞ-yə məlumat daxil olub.

Həyata keçirilən əməliyyat-axtarış tədbirləri nəticəsində qeyd edilən hadisəni Sumqayıt şəhər sakini Ceyhun Sadıqovun törətdiyi müəyyən edilib və həmin şəxs saxlanılaraq istintaqa təqdim olunub.

Əməliyyat tədbirlərinin davamı olaraq saxlanılan şəxsin oğurluq yolu ilə əldə etdiyi dəmir torların bir qisminin yeri müəyyən edilib və şöbə əməkdaşları tərəfindən maddi sübut kimi götürülüb.

C. Sadıqov dindirilmə zamanı törətdiyi oğurluq hadisəsini etiraf edib. Onun barəsində Xızı RPŞ-də cinayət işi açılıb, araşdırmalar davam etdirilir.






Bölməyə aid digər xəbərlər
bütün xəbərlər
{sape_links}{sape_article}