00:04 / 21-05-2025
Aİ “Azadlıq Radiosu”na 5,5 milyon avro ayırıb
22:36 / 20-05-2025
Sabirabaddakı qətl hadisəsi araşdırılır
19:07 / 20-05-2025
Milli Məclis daha 13 qanuna dəyişikliyi müzakirəyə çıxaracaq
18:45 / 20-05-2025
Yanacaqsız işləyən mühərrik kəşf ediblər
18:23 / 20-05-2025
Tramp Avropa liderlərini çıxılmaz vəziyyətlə üzləşdirir
18:14 / 20-05-2025
Tofiq Yaqublunun şikayəti rədd olunub
18:12 / 20-05-2025
Ukrayna nümayəndələri İstanbul görüşündə rus dilində danışıblar
18:02 / 20-05-2025
İlham Əliyevlə Viktor Orban görüşüb - Birgə bəyanat - (Yenilənib) - Fotolar+Video
17:54 / 20-05-2025
Bələdiyyələrin vahid informasiya sistemi yaradılacaq
17:48 / 20-05-2025
Polis 75 kq narkotik maddəni dövriyyədən çıxarıb - 10 nəfər saxlanılıb
17:24 / 20-05-2025
10 kiloqram qızılı talayan dəstə tutulub - Video
17:12 / 20-05-2025
Prokuror "Abzas işi" ilə bağlı cəza istəyib
16:34 / 20-05-2025
Tanınmış musiqiçi xeyriyyəçilik edib - Fotolar
16:01 / 20-05-2025
Ər arvadını öldürərək Kür çayına atıb
15:55 / 20-05-2025
Tramp sülh danışıqlarından çıxa bilər: “Bu, mənim müharibəm deyil”
15:43 / 20-05-2025
Xamnəi ABŞ-la danışıqlardan müsbət nəticə gözləmir
14:50 / 20-05-2025
III Çarlz Azərbaycan prezidentinə məktub göndərib - Mətn
14:47 / 20-05-2025
Kral Salman İlham Əliyevə məktub ünvanlayıb
14:30 / 20-05-2025
Sabah güclü külək əsəcək - Xəbərdarlıq
14:29 / 20-05-2025
Rusiyaya qarşı 17-ci sanksiya paketi təsdiqlənib
14:20 / 20-05-2025
Qarabağa növbəti köç karvanı gedib - (Yenilənib)
14:04 / 20-05-2025
İlham Əliyev Macarıstanda işgüzar səfərdədir - Fotolar
14:00 / 20-05-2025
İcra başçısı onları vəzifədən azad edib
13:33 / 20-05-2025
Hindistan Ermənistanın silah bazarında Rusiyanı əvəz edir
13:08 / 20-05-2025
Sumqayıtdakı zavodda partlayış olub - (Yenilənib)
13:02 / 20-05-2025
Limana və gəmilərə hücum ola bilər
12:59 / 20-05-2025
İki direktora şiddətli töhmət veriblər
12:51 / 20-05-2025
“Son zəng” iyunun 14-də çalınacaq
12:34 / 20-05-2025
Pakistan və Hindistan razılaşıb
12:22 / 20-05-2025
Ərdoğan vasitəçilikdən nə qazanır?
15:02 / 16-05-2025
15 gün sovetlərsiz yaşayan Lənkəran...
08:45 / 16-05-2025
Çindən Qazaxıstana turist axını var
17:37 / 16-05-2025
Türkiyənin qlobal rolu artır, təsir imkanları genişlənir - Partiya sədri
09:51 / 16-05-2025
Professor: Əsas şüar “Vahid vətən, vahid dövlət, vahid bayraq!” ola bilər
01:38 / 16-05-2025
“Avroviziya-2025”-in finalçıları bəlli olub - Siyahı
14:21 / 16-05-2025
İlham Əliyev Avropa İttifaqı rəhbərləri ilə görüşüb - Fotolar
10:38 / 17-05-2025
Venera planetində yaşayış mümkündür
16:30 / 19-05-2025
Zülfüqarov: Şərtlər Avropadan Azərbaycanla sağlam münasibətlər qurmağı tələb edir
12:20 / 16-05-2025
“Əmək pensiyaları haqqında” qanun dəyişib
11:12 / 16-05-2025
Kirayə mənzillər layihəsində dələduzluq: kreditlər necə "fırladılır"? - Açıqlamalar
08:33 / 16-05-2025
Məşhur müğənni hücuma görə həbs edilib
09:20 / 16-05-2025
Tədris Cərrahiyyə Klinikası deputatın şirkətindən 1.2 milyonluq dərman alır
Ona da töhmət verin - Hekayə
Tarix: 28-09-2023 09:30 | Bölmə: Akif ABBASOV
Akif ABBASOV
Xəlilli balaca bir kənd idi. Balaca da məktəbi vardı. Nə vaxt tikildiyini heç kim bilmirdi. Məktəb özü balaca olsa da, həyəti böyük idi. Həyəti də bağı-bağçalı. Bağ-bağçada da çoxlu ağac vardı. Bu məktəb çox köhnə idi, siniflər də az. Vur-tut altı-yeddi sinif olardı. Qışda havalar çox soyuq keçirdi, şaxta qılınc kimi adamı kəsirdi.
Qaz üzünə həsrət qalan kənd yeri ola, arada da işıqlar sönə, su da dona. Gəl indi qışı keçir, görüm necə keçirirsən!. Adamlar gün batmamış evlərinə çəkilib bir təhər otaqları isitməyə çalışırdılar. Lap on otağın olsun, birini zor-bəla ilə qızdıra bilərdin. Hamı sobanın ətrafında cəmləşir, bədənlərini, əllərini qızdırmağa çalışırdılar. Onda da gərək sobanı qış uzunu yandırmaq üçün odun tədarükün ola. Axşam da pal-paltarını soyunub yatmaq nədir, elə pallı-paltarlı, kişilər kepkada, papaqda, qadınlar yun şalda yorğanın altına girirdilər. Yoxsa donub ölərdilər.
Belə qarlı-şaxtalı havada ata-anaları uşaqlarını məktəbə buraxmırdılar. Uşaqlara da elə bu lazım idi ki, məktəbə getməsinlər. Bəzi uşaqlar havaya baxmayıb dərs almağa yollanardılar. Məktəbin Ağça adında xadiməsi vardı. Arıqca, qapqara bir arvad idi. O, şaxtaya, borana, yağan qara baxmayıb məktəbə gələr, otaqların tozunu alar, sinif otaqlarını süpürərdi.
Bir də məktəbin Əhməd adında coğrafiya müəllimi vardı. O zamanlar cavan idi, indi yaşlaşıb. O da evdə qərar tuta bilməyib məktəbə baş çəkərdi. Evdə nə qədər oturacaqdı? Subay adam idi. Əhməd müəllim dərs buraxmazdı. Hər gün də olmasa, günaşırı məktəbdə idi. Lap dərsə beş-üç şagird də gəlsəydi, jurnalı götürüb yazar, dərsini keçərdi.
Ağca arvad sinif otaqlarını süpürməklə yanaşı bir özü oturduğu, süpürgəsini, vedrəsini, döşəməni yumaq üçün işlətdiyi taxtanı və əskini saxladığı balaca otaqda, bir də Əhməd müəllimin dərs dediyi sinifdə sobanı yandırardı. Soba kömürlə işləyir, tezcə otağı qızdırırdı.
Məktəbə başqa siniflərdən də uşaqlar gələrdi. Əhməd müəllim onları da otağına çağırar, onlara da həm öz fənnindən, həm də başqa fənlərdən məlumatlar verərdi. Şagirdlər də, valideynlər də Əhməd müəllimdən çox razı idilər.
Bir dəfə qışın oğlan çağında məktəbə qəfil yoxlama gəldi. Heç məktəb direktorunun xəbəri də olmadı. Gələnlər bir-bir sinif otaqlarına, müəllimlər otağına girdilər. Nə ins vardı, nə də cins. Yəni müəllim də yox idi, şagird də. Həm də məktəbin dəhlizi, sinif otaqları qaranlıq və hədsiz soyuq idi, pəncərələr buz bağlamışdı.
Gələnlər getmək istəyəndə Ağca arvad qabaqlarına çıxdı. Xoş-beş elədi. Soruşdular:
- Ay xala, bu gün iş günüdür. Bu məktəb niyə boşdur? Nə müəllim var, nə şagird.
Ağca arvad əli ilə, dəhlizin qurtaracağındakı sinif otağını göstərdi:
- Müəllim də var, şagird də. O sinif otağındadırlar. Şaxta onları qovub o otağa salıb.
Yoxlamaya gələnlər icazə alıb sinif otağına girdilər. Müəllimlə, şagirdlərlə salamlaşdılar. Keçib arxa cərgədə əyləşdilər. Saydılar. İçəridə 21 nəfər şagird vardı. Hamısı da qış geyimində: qulaqlı papaqda, gödəkçə və ya paltoda, uzunboğaz çəkmədə.
Əhməd müəllim dərsini yekunlaşdırdı. Şagirdlər tənəffüsə çıxdılar. Qonaqlar Əhməd müəllimi sorğu-suala tutdular:
- İcmalınız var?
- İcmal tutmamışam. Alıb sinif jurnalına baxdılar. Keçilən mövzular, günlər qeyd olunmuşdu.
- Bəs niyə hazır-qaib eləməmisiniz?
- Bu gün mənim dərsim 7-ci sinifdə idi. Həmin sinifdən də vur-tut 5 şagird gəlmişdi. Qalanları başqa siniflərdəndir. Nə hazır-qaib edim?
Yoxlamaya gələnlər narazı qaldılar. Eləcə sinif otağındaca Əhməd müəllimə töhmət elan edib çıxdılar.
Əhməd müəllim qalmışdı mat-məəttəl. Neçə gün idi müəllimlər məktəbə gəlmirdilər. Hətta məktəb direktoru və müavini də görünmürdü. Onlara gözün üstə qaşın var,- deyən olmadı. Hər gün məktəbə gələn, dərsini keçən, hətta digər siniflərin şagirdlərini də məlumatlandıran Əhməd müəllim isə töhmət aldı.
O, tələsik sinif otağından çıxıb yoxlamaya gələnləri səslədi. Onlar ayaq saxladılar. Əhməd müəllim qonaqlara yaxınlaşıb:
- Yaddan çıxan bir məsələ var, - dedi.
Soruşdular:
- Nə məsələ?
- Bu ayazlı-şaxtalı havada, yerin buz bağladığı günlərdə sürüşə-sürüşə gəlib dərs keçən yalnız mənəm. Mənə töhmət verdiniz. Bəs Ağca arvad? Ağca arvad qaldı axı. Başqa texniki işçilərdən, xadimələrdən də təkcə o gəlib-gedir, buraları silib-süpürür, sobanı yandırır. Ağca arvad inciyər. Ona da bir töhmət verin.
Yoxlamaya gələnlər fikrə getdilər. Əhməd müəllim daha sinif otağına getmədi. Yola düzəldi. Evinə gedib bir daha məktəbə gəlmədi.
Bölməyə aid digər xəbərlər
Tarix: 28-09-2023 09:30 | Bölmə: Akif ABBASOV
Akif ABBASOV
Xəlilli balaca bir kənd idi. Balaca da məktəbi vardı. Nə vaxt tikildiyini heç kim bilmirdi. Məktəb özü balaca olsa da, həyəti böyük idi. Həyəti də bağı-bağçalı. Bağ-bağçada da çoxlu ağac vardı. Bu məktəb çox köhnə idi, siniflər də az. Vur-tut altı-yeddi sinif olardı. Qışda havalar çox soyuq keçirdi, şaxta qılınc kimi adamı kəsirdi.
Qaz üzünə həsrət qalan kənd yeri ola, arada da işıqlar sönə, su da dona. Gəl indi qışı keçir, görüm necə keçirirsən!. Adamlar gün batmamış evlərinə çəkilib bir təhər otaqları isitməyə çalışırdılar. Lap on otağın olsun, birini zor-bəla ilə qızdıra bilərdin. Hamı sobanın ətrafında cəmləşir, bədənlərini, əllərini qızdırmağa çalışırdılar. Onda da gərək sobanı qış uzunu yandırmaq üçün odun tədarükün ola. Axşam da pal-paltarını soyunub yatmaq nədir, elə pallı-paltarlı, kişilər kepkada, papaqda, qadınlar yun şalda yorğanın altına girirdilər. Yoxsa donub ölərdilər.
Belə qarlı-şaxtalı havada ata-anaları uşaqlarını məktəbə buraxmırdılar. Uşaqlara da elə bu lazım idi ki, məktəbə getməsinlər. Bəzi uşaqlar havaya baxmayıb dərs almağa yollanardılar. Məktəbin Ağça adında xadiməsi vardı. Arıqca, qapqara bir arvad idi. O, şaxtaya, borana, yağan qara baxmayıb məktəbə gələr, otaqların tozunu alar, sinif otaqlarını süpürərdi.
Bir də məktəbin Əhməd adında coğrafiya müəllimi vardı. O zamanlar cavan idi, indi yaşlaşıb. O da evdə qərar tuta bilməyib məktəbə baş çəkərdi. Evdə nə qədər oturacaqdı? Subay adam idi. Əhməd müəllim dərs buraxmazdı. Hər gün də olmasa, günaşırı məktəbdə idi. Lap dərsə beş-üç şagird də gəlsəydi, jurnalı götürüb yazar, dərsini keçərdi.
Ağca arvad sinif otaqlarını süpürməklə yanaşı bir özü oturduğu, süpürgəsini, vedrəsini, döşəməni yumaq üçün işlətdiyi taxtanı və əskini saxladığı balaca otaqda, bir də Əhməd müəllimin dərs dediyi sinifdə sobanı yandırardı. Soba kömürlə işləyir, tezcə otağı qızdırırdı.
Məktəbə başqa siniflərdən də uşaqlar gələrdi. Əhməd müəllim onları da otağına çağırar, onlara da həm öz fənnindən, həm də başqa fənlərdən məlumatlar verərdi. Şagirdlər də, valideynlər də Əhməd müəllimdən çox razı idilər.
Bir dəfə qışın oğlan çağında məktəbə qəfil yoxlama gəldi. Heç məktəb direktorunun xəbəri də olmadı. Gələnlər bir-bir sinif otaqlarına, müəllimlər otağına girdilər. Nə ins vardı, nə də cins. Yəni müəllim də yox idi, şagird də. Həm də məktəbin dəhlizi, sinif otaqları qaranlıq və hədsiz soyuq idi, pəncərələr buz bağlamışdı.
Gələnlər getmək istəyəndə Ağca arvad qabaqlarına çıxdı. Xoş-beş elədi. Soruşdular:
- Ay xala, bu gün iş günüdür. Bu məktəb niyə boşdur? Nə müəllim var, nə şagird.
Ağca arvad əli ilə, dəhlizin qurtaracağındakı sinif otağını göstərdi:
- Müəllim də var, şagird də. O sinif otağındadırlar. Şaxta onları qovub o otağa salıb.
Yoxlamaya gələnlər icazə alıb sinif otağına girdilər. Müəllimlə, şagirdlərlə salamlaşdılar. Keçib arxa cərgədə əyləşdilər. Saydılar. İçəridə 21 nəfər şagird vardı. Hamısı da qış geyimində: qulaqlı papaqda, gödəkçə və ya paltoda, uzunboğaz çəkmədə.
Əhməd müəllim dərsini yekunlaşdırdı. Şagirdlər tənəffüsə çıxdılar. Qonaqlar Əhməd müəllimi sorğu-suala tutdular:
- İcmalınız var?
- İcmal tutmamışam. Alıb sinif jurnalına baxdılar. Keçilən mövzular, günlər qeyd olunmuşdu.
- Bəs niyə hazır-qaib eləməmisiniz?
- Bu gün mənim dərsim 7-ci sinifdə idi. Həmin sinifdən də vur-tut 5 şagird gəlmişdi. Qalanları başqa siniflərdəndir. Nə hazır-qaib edim?
Yoxlamaya gələnlər narazı qaldılar. Eləcə sinif otağındaca Əhməd müəllimə töhmət elan edib çıxdılar.
Əhməd müəllim qalmışdı mat-məəttəl. Neçə gün idi müəllimlər məktəbə gəlmirdilər. Hətta məktəb direktoru və müavini də görünmürdü. Onlara gözün üstə qaşın var,- deyən olmadı. Hər gün məktəbə gələn, dərsini keçən, hətta digər siniflərin şagirdlərini də məlumatlandıran Əhməd müəllim isə töhmət aldı.
O, tələsik sinif otağından çıxıb yoxlamaya gələnləri səslədi. Onlar ayaq saxladılar. Əhməd müəllim qonaqlara yaxınlaşıb:
- Yaddan çıxan bir məsələ var, - dedi.
Soruşdular:
- Nə məsələ?
- Bu ayazlı-şaxtalı havada, yerin buz bağladığı günlərdə sürüşə-sürüşə gəlib dərs keçən yalnız mənəm. Mənə töhmət verdiniz. Bəs Ağca arvad? Ağca arvad qaldı axı. Başqa texniki işçilərdən, xadimələrdən də təkcə o gəlib-gedir, buraları silib-süpürür, sobanı yandırır. Ağca arvad inciyər. Ona da bir töhmət verin.
Yoxlamaya gələnlər fikrə getdilər. Əhməd müəllim daha sinif otağına getmədi. Yola düzəldi. Evinə gedib bir daha məktəbə gəlmədi.
Müəllifin bütün yazıları - Akif ABBASOV
Bölməyə aid digər xəbərlər
19-03-2025, 11:04
Akif ABBASOV - Ədəbiyyatımıza yeni ruh gətirmiş Zəlimxan Yaqub - Akif Abbasov yazır
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
