19:28 / 17-05-2025
İranın konsorsium ideyası... - Tehran Körfəz qonşularına arxalanmaq istəyir
19:28 / 17-05-2025
General vəzifədən çıxarılıb
18:30 / 17-05-2025
Gəncədə 18 yaşlı gənc bıçaqlanıb
15:54 / 17-05-2025
Ədalət Partiyasına yeni sədr seçiblər - Yenilənib
13:59 / 17-05-2025
Küləkli hava şəraiti ilə bağlı sarı xəbərdarlıq verilib
13:15 / 17-05-2025
Dövlət qulluqçularının reyestri aparılacaq - Fərman
13:00 / 17-05-2025
İlham Əliyev Tokayevə zəng edib
12:52 / 17-05-2025
Prokurorluq və DİN məktəblinin ölümü ilə bağlı birgə məlumat yayıb
12:06 / 17-05-2025
Sabahın hava proqnozu açıqlanıb
10:38 / 17-05-2025
Venera planetində yaşayış mümkündür
09:35 / 17-05-2025
Kim Çen In orduya "müharibəyə hazır ol" tapşırığı verib
09:32 / 17-05-2025
Səfir Trampa görə istefa verib
09:18 / 17-05-2025
Gəncə Dövlət Filarmoniyasına direktor təyin olunub
00:07 / 17-05-2025
İlham Əliyev Azərbaycana dönüb
21:39 / 16-05-2025
Sumqayıtda daha bir nəfər dəm qazından ölüb
21:31 / 16-05-2025
Ermənistan ordusunun cinayətləri ilə bağlı hesabat məhkəmədə nümayiş olunub - Yenilənib
19:47 / 16-05-2025
Bu generallar üçün yaş məhdudiyyəti ləğv edilir
19:17 / 16-05-2025
Oleq Bakinskinin məhkəməsində mülki iddia qaldırılıb
18:31 / 16-05-2025
Gizlədilmiş üç vaqon qızılın yerini müəyyən ediblər - Foto
18:20 / 16-05-2025
MDB-nin təhlükəsizlik orqanlarının növbəti iclası keçirilib - Fotolar
17:38 / 16-05-2025
Bu gün Əfv Komissiyası 100-dən çox müraciətə baxıb - (Yenilənib)
17:37 / 16-05-2025
Türkiyənin qlobal rolu artır, təsir imkanları genişlənir - Partiya sədri
16:02 / 16-05-2025
İlham Əliyev Albaniyada Zirvə toplantısında - Yenilənib - Foto
15:57 / 16-05-2025
Qurani-Kərimi yandıran siyasətçini deportasiya ediblər
15:02 / 16-05-2025
15 gün sovetlərsiz yaşayan Lənkəran...
14:52 / 16-05-2025
Makron Azərbaycan prezidenti ilə görüşüb
14:28 / 16-05-2025
Prezident Jelka Tsviyanoviç ilə görüşüb
14:21 / 16-05-2025
İlham Əliyev Avropa İttifaqı rəhbərləri ilə görüşüb - Fotolar
14:11 / 16-05-2025
Bank hesablarından oğurluq: şikayətə 24 saat ərzində baxılacaq
14:03 / 16-05-2025
İlham Əliyev Nikol Paşinyanla görüşüb
13:04 / 13-05-2025
Elnur Zeynalov: “Ağdam Muğam Mərkəzində solo-konsert verməyi düşünürəm”
18:10 / 13-05-2025
Aydan Nuriyevanın musiqi dünyası - Etibar Cəbrayıloğlu yazır
17:13 / 13-05-2025
Azərbaycanın Hərbi prokuroru təyin edilib - Sərəncam
08:33 / 14-05-2025
Putini İstanbulda Uşakov və Lavrov əvəz edə bilər
23:22 / 14-05-2025
Qələm fədailərindən biri... - Foto
21:28 / 13-05-2025
Azərbaycanın Su-25 təyyarələri “Anadolu Ankası-2025” təlimində - Video
10:14 / 15-05-2025
İstanbul danışıqları öncəsi: ruslar daha bir kəndi işğal edib, Dnepropetovskə yaxınlaşır
10:51 / 13-05-2025
Xalq artisti: "Televiziyada “ləçər kişi” obrazı yaranıb"
11:28 / 13-05-2025
İstanbul danışıqları: Zelenski gəlir, Tramp iştirakına eyham vurur, Putin hələ də manevr edir
09:43 / 13-05-2025
Mourinyo "Mançester Yunayted"lə danışıqlar aparır
07:33 / 13-05-2025
Tramp Türkiyəyə gəlmək istəyir
Dollar yağışı - Azad Müzəffərli yazır
Tarix: 02-07-2020 14:25 | Bölmə: Azad MÜZƏFFƏRLİ
Sabah məhkəmədə olmalıydı. Ələsgər fikir çəkməkdən yumağa dönmüşdü. Bankdan götürdüyü krediti heç cür qaytara bilmirdi. Babat işi əlindən çıxandan bəri kreditə görə faiz faiz üstə gəlməkdəydi. Borcu artıq otuz min manatı ötmüşdü. Bankın əməkdaşları da qınanılası deyildi. Vaxtilə nümunəvi müştərilərdən biri sayıldığından ona ötən müddətdə qədərincə güzəşt eləmişdilər. Daha vəziyyət dalana dirənmişdi. Onu məhkəməyə vermək məcburiyyətində qalmışdılar. Bu gün-sabah yeganə ümid yeri - banka girov kimi qoyduğu üçotaqlı mənzili də əlindən alınıb satışa çıxarılacaqdı. Haranın külünü başına tökəydi, bilmirdi.
Dərd orasındaydı ki, maddi durumundan xəbərdar olduqlarından ona borc verən də tapılmırdı. Nə qohum-əqrəbası, nə də tanış-bilişi. Son gümanı məktəb yoldaşlarından birinəydi. O, bəxti ayaq üstə olan kəslərdən idi. Vaxtilə Ələsgərdən köçürməklə dərslərindən tramvay altında qalan “üç”ləri bir təhər sıralayardı. İndi isə şəhərin bir neçə nöqtəsində mağazaları vardı. Hazırda onun yanına tələsirdi. Ələsgəri fikir nə təhər caynağına almışdısa, köhnə “Mersedes”i sözünə baxmırdı. Bu dəfə də əliboş yola salınacağı qorxusundan mırmıc duruma düşdüyündən az qala sükan arxasında olduğunu unuda.
Tərslikdən dərd də dərd üstə gələr. Evlərindən cəmi bir tin aralanmışdı. İşıqforda rəngləri səhv saldığından qəflətən maşını əylədi. Ona elə gəlmişdi ki, qırmızı işıq yandı. Sən demə xeyli tələsibmiş. Arxadakı maşın guppultu ilə “Mersedes”inə dürtüldü. Kəlləsi zərblə yan qapıya çırpıldı. Bir anlığa ağlı gizləndi. Özünə gələndə düşündü ki, kaş o dünyalıq olaydı, ayılmayaydı. İmkanı olsaydı, elə oradaca özünə qəbir qazardı. O, nə haydaydı, indi nə zibilə düşdü. Qabaq güzgüdən arxaya boylanıb zədələdiyi avtomobilin ən son model “Bentli Kontinental” olduğunu görəndə isə az qala ödü ağzına gələ. Ürəyində Allaha yalvardı ki, kaş, heç olmasa sürücü elə bərk əzilməyəydi, bəlkə, Allaha təvəkkül, ürəyi yuxa adam çıxa, onu bağışlaya. Əlacsızlıqdan ümidə sarıldı.
Karıxdığından yerə düşmək əvəzinə yenə də qabaq güzgüdən arxadakı maşının sürücüsünə sarı boylandı. Həmən kəs nəsə əl çantasında eşələnirdi, əlindəki bükülüləri tələm-tələsik götür-qoy eləyirdi. Ələsgər bunu tibb ləvazimatları çantası zənn elədi.
Gümüşü rəngə çalan, Böyük Britaniyada araya-ərsəyə gətirilən “Bentli Kontinental”ın sürücüsü Ələsgərdən qabaq maşınından düşdü. Aramla əvvəlcə sol ayağını yerə basdı. Təmiz dəridən hazırlanmış, əli iş olan dəbli ayaqqabısı Avstriya istehsalı idi. Şalvarının ətəyi azacıq yuxarı qalxdığından corabı da aydınca görünürdü. Ayaqqabısı və şalvarı ilə həmahəng olan corabı, ilk baxışdan bəlliydi, hələm-hələm ələdüşməz İtaliya malıydı. Ağır cayıl maşınından enməyi ilə klassik üslubda say-seçmə geyimi ilə göz qamaşdırdı. Ürəyəyatımlı göy rəngdəki kostyumu Almaniyadan gətirilməydi. Dekorativ düyməli, təmiz pambıqdan hazırlanmış, göy və ağ rəngli nazik zolaqların məxsusi yaraşıq verdiyi köynəyi Şotland malıydı. Çində “Stocman” firmasının say-seçmə müştərilər üçün təmiz ipəkdən hazırladığı, həsəd doğuran qalstuku gözoxşayan kostyumu ilə bir-birini üzvi şəkildə tamamlayırdı. Əl atıb tərini silmək üçün cibindən çıxardığı dəsmalı isə İspaniya istehsalıydı. Qolundakı saat da nadir matahlardan sayılırdı, fransızların İsveçrədə iş quran “Jacgues Lemans” firmasına aid idi. Onun şişman əl çantası da hansısa tanınmış xarici şirkətin məhsuluydu. Özündənrazı bu zatın üstündəki geyimlərin qiyməti heç də altındakı maşının dəyərindən geri qalan deyildi. Ələsgər nəinki qohum-əqrabasının, hətta, simsarlarının da var-yoxunu satıb pula çevirsəydi belə çətinki, bu hampanın bığının altından keçə biləydi. Onun işi Allaha qalmışdı.
“Bentli”nin sürücüsünün yaxınlaşdığını görən Ələsgər tələm-tələsik maşınından düşdü. Qarşısındakının tövründən az qala hürkə.
- Əşi, nevezuxadı, neyləyim oldu da, davay bıstro podoydi poqovorim, vsyo budet okey...
- Sən Allah üzrlü say, fikirliydim, tələsirdim...
- Çudak, ne nado rola girmək, skazal je za vsyo zaplaçu kak palojeno... Ponimayu, arxadan vurmuşam, ya vinovat...
- Vallah, utandığımdan yerə girirəm, bağışla...
- Ay kişi, sən nə təhər adamsan, indi politsiya gələcək, eta tebe nado, ti toje mne... U tebya mersik da, al bu on mini, – deyə əl çantasından bir dəst yüzlük dollar çıxarıb Ələsgərə uzatdı. Tezcənə də fikirini dəyişdi, - xoroşo, bundan sənə maşın çıxmaz, beri etovo toje, istəyirsən düzəltdir, ya da bir-iki il işlənmiş təzəsini götürə bilərsən, tvoye delo, eto mne ne kasayetsya. – Bir yüzlük dollar dəstini də əlavə elədi.
Şahidi olduqlarından gözlərini matdım-matdım döyən Ələsgər sanki yuxudaydı. Pulları nə vaxt qamarladığından xəbəri olmadı. Allah imkansızlığın üzünü qara eləsin.
- Vallah, xəcalət verirsiniz, - Ələsgərin dili güclə söz tutdu. Bədahətən əlini gicgahına apardı, alnındakı çapıqdan süzülən qanı yalnız indi sezmişdi.
- Nu, xvatit je, gözümə soxma bunu, za eta toje zaplaçu, - deyib yenə əlini çantasına atdı. Daha bir yüzlük dəstini Ələsgərə uzatdı. – Beri, pomoyemu xvatit, ev həkimin var da naverno, intellegent adama oxşayırsan. Ne day Boq, birdən çaşıb bolnitsaya-zada gedərsən ha...
- Yox, yox, qətiyyən narahat olmayın, tanış həkim var, ona göstərəcəm...
- Viju, normalnı adama oxşayırsan, - sanki, Amerikanın pul çap eləyən maşını Əliqulunun ixtiyarındaydı, əlini şəstlə bir daha çantasına atdı. - Al bu paçkanı da, özünə maya qoyandan, maşınını təzələyəndən sonra dostlarını başına yığıb tselıy qod necə lazımdı kayf eləyərsən, stressini çıxardarsan... Nu kak, dovolen, doqovorilis?
- Hə, şey qaydasında, Allah canınıza sağlıq versin. Düzü, elə bil yuxudayam, baş verənləri hələ də axıra qədər qana bilmədim...
- Davay, əngə vermə, potom pozdno budet, seyças politsiya padyedet... Beri svoyu maşinu, tez sür qabaqdakı praflaktoriyaya, orda lyuboy zapçastın rodnoyu var... Skajiş, Əliqulu müəllim poslal, vsyo budet vporyadke... Politsiya mənlikdir, ne bespokoysya... Nu davay je duy otsyuda, çeqo jdyoş yeşyo... Siz də dağılışın, nədi avariya-zad görməmisiniz, toje mne, - deyə amiranə şəkildə ətrafdakılara çımxırdı. Kimsə cınqırını çıxarmadı, dağılışmağa başladılar.
- ...
Sağollşmağı belə unudan Ələsgər dabanına tüpürüb “Mersedes”ini sürətlə yerindən tərpətdi. Yoldaca maşınındakı tibb çantasından çıxardığı pambığı yoda batırıb yarasına əl gəzdirdi, zədələndiyi bilinməsin deyə üstünə leykoplastır yapışdırdı. Bir göz qırpımında özünü avtomobil təmiri məntəqəsinə yetirdi. Hadisə şəhərin kənar hissəsində baş verdiyindən yol polisi qəzadan xəbər tutunca gec oldu. Lap xəbər tutsaydılar da hamıya bəlliydi ki, Əliqulu müəllim heç nə olmayıbmış kimi hər şeyi qaydasına qoyacaqdı. Əslində qəzaya uğrayan avtomobillər də sən deyən lap elə bərk əzilməmişdi.
Əliqulu müəllimin adını eşidincə maşın ustalarının çöhrəsi sanki pöhrələndi. Anındaca müdirin özü çim yağ daman Ələsgərin başının üstünü kəsdirdi. Xeyli çək-çevirdən sonra razılaşdılar ki, ustalar iki min beş yüz dollara “Mersedes”i mataha çevirəcəklər, hətta, almanların özü də yəqinki bu avtomobilə həsəd aparacaqlar. Az qala, Ələsgər nə hayda olduğunu unuda. Düzü, onu günahlandırmaq da olmur. Bu, pul ki var ey, yaman köpəyoğlu şeydi də. Nəhayət, maşını ilə bağlı sövdələşməni bitirər-bitirməz qaranəfəsə banka sarı götürüldü. Dimdik görkəm alaraq yüzlük dollarları oğulcasına sayıb təkcə borcunu yox, məhkəməni də bağladı. Onca dəqiqənin içində bankın işçiləri şikayətlərini geri götürüb dedilər ki, a kişi səndən yoxdu ey, sən hara, məhkəmə hara, bir qələtdir eləmişik bizi bağışla.
Bu Ələsgər qəribə məxluqdur, ondan heç cür baş açmaq olmur. İndilərdə ilan ağzından qurtulmağına sevinmək əvəzinə fikri-zikri qalıb o Əliqulunun yanında. Bəs görəsən, onda öz dilimizdə qol-qabırğasını sındırdırmaqla tələffüs elədiyi o üç-beş kəlmədən başqa milli nəsə var?..
Əslində, yol qəzasını özü törətdiyi halda Əliqulunun xamlığı ucbatından bu məsuliyyətdən yan ötmüşdü. Onun yerinə başqası olsaydı, “bəxtim yamanca gətirdi”,- deyə çırtma vuraraq qol qaldırıb süzərdi ki, ay can, ay can, günahkar olmağım bir yana, heç nədən bütün borcumu bağladım, məhkəmə biabırçılığından qurtuldum, üçotaqlı evim yerində, tezliklə avtomobilim də cağbacağ təmirdən çıxacaq, hələ üstəlik dollarları bizimkinə çevirəndə əlimdə də nağd otuz min manatdan çox pul qalacaq. Ədalət naminə onu da unutmayaq ki, öz qələtinə görə Ələsgər ürəyində ötən müddətdə dəfələrlə Tanrıdan üzr istəmişdi. Pis adam deyildi, nə olar, həyatdı da, kişinin başına iş gələr. Görünür, Allahın yanında üzüqara olmayıb deyənə xəta-bəla son anda da olsa ondan sovuşdu. Bunu bir təhər başa düşdük. Di gəl, hər şey necə lazımdı ötüşəndən sonra onun Əliqulunun millilik səviyyəsini araşdırmaq eşqinə düşməyinə bilmirsən nə ad qoyasan?
Xeyri yoxdu, bankdan evinə piyada dönən Ələsgər yolboyunca beyninə zərrəcə olsun aman vermədi. İstəyinə bir də yaşadığı binanın kandarında çatdı. Aha tapdım, Əliqulunun sürücülük vəsiqəsi yüz faiz bizlikdir, heç o yan, bu yanı yoxdur. Onun sürücülük vəsiqəsi sırf millidir, özümüzünküdür. Eləmədi tənbəllik, ürəyinə gəldi ki, diplomu da olmamış olmaz, o da yəqinki qəlpdir. Buna da söhbət ola bilməz... Orası elədir, amma Ələsgərin ağlına o da gəlməliydi ki, vecinə almadan dəst-dəst dollarları sağa-soğa xərcələmək də bizimkilərlikdir. Əcnəbi köpək uşağı bu qələti eləyə bilməz. Axı, öz aramızdır, nə təhər eləsin? Gərək, bu zəhirmardan göydəndüşmə bağlama-bağlama gəlsin ki, sən də ağına-bozuna baxmadan paçka-paçka səpələyəsən.
Bölməyə aid digər xəbərlər
Tarix: 02-07-2020 14:25 | Bölmə: Azad MÜZƏFFƏRLİ
(hekayə)
Sabah məhkəmədə olmalıydı. Ələsgər fikir çəkməkdən yumağa dönmüşdü. Bankdan götürdüyü krediti heç cür qaytara bilmirdi. Babat işi əlindən çıxandan bəri kreditə görə faiz faiz üstə gəlməkdəydi. Borcu artıq otuz min manatı ötmüşdü. Bankın əməkdaşları da qınanılası deyildi. Vaxtilə nümunəvi müştərilərdən biri sayıldığından ona ötən müddətdə qədərincə güzəşt eləmişdilər. Daha vəziyyət dalana dirənmişdi. Onu məhkəməyə vermək məcburiyyətində qalmışdılar. Bu gün-sabah yeganə ümid yeri - banka girov kimi qoyduğu üçotaqlı mənzili də əlindən alınıb satışa çıxarılacaqdı. Haranın külünü başına tökəydi, bilmirdi.
Dərd orasındaydı ki, maddi durumundan xəbərdar olduqlarından ona borc verən də tapılmırdı. Nə qohum-əqrəbası, nə də tanış-bilişi. Son gümanı məktəb yoldaşlarından birinəydi. O, bəxti ayaq üstə olan kəslərdən idi. Vaxtilə Ələsgərdən köçürməklə dərslərindən tramvay altında qalan “üç”ləri bir təhər sıralayardı. İndi isə şəhərin bir neçə nöqtəsində mağazaları vardı. Hazırda onun yanına tələsirdi. Ələsgəri fikir nə təhər caynağına almışdısa, köhnə “Mersedes”i sözünə baxmırdı. Bu dəfə də əliboş yola salınacağı qorxusundan mırmıc duruma düşdüyündən az qala sükan arxasında olduğunu unuda.
Tərslikdən dərd də dərd üstə gələr. Evlərindən cəmi bir tin aralanmışdı. İşıqforda rəngləri səhv saldığından qəflətən maşını əylədi. Ona elə gəlmişdi ki, qırmızı işıq yandı. Sən demə xeyli tələsibmiş. Arxadakı maşın guppultu ilə “Mersedes”inə dürtüldü. Kəlləsi zərblə yan qapıya çırpıldı. Bir anlığa ağlı gizləndi. Özünə gələndə düşündü ki, kaş o dünyalıq olaydı, ayılmayaydı. İmkanı olsaydı, elə oradaca özünə qəbir qazardı. O, nə haydaydı, indi nə zibilə düşdü. Qabaq güzgüdən arxaya boylanıb zədələdiyi avtomobilin ən son model “Bentli Kontinental” olduğunu görəndə isə az qala ödü ağzına gələ. Ürəyində Allaha yalvardı ki, kaş, heç olmasa sürücü elə bərk əzilməyəydi, bəlkə, Allaha təvəkkül, ürəyi yuxa adam çıxa, onu bağışlaya. Əlacsızlıqdan ümidə sarıldı.
Karıxdığından yerə düşmək əvəzinə yenə də qabaq güzgüdən arxadakı maşının sürücüsünə sarı boylandı. Həmən kəs nəsə əl çantasında eşələnirdi, əlindəki bükülüləri tələm-tələsik götür-qoy eləyirdi. Ələsgər bunu tibb ləvazimatları çantası zənn elədi.
Gümüşü rəngə çalan, Böyük Britaniyada araya-ərsəyə gətirilən “Bentli Kontinental”ın sürücüsü Ələsgərdən qabaq maşınından düşdü. Aramla əvvəlcə sol ayağını yerə basdı. Təmiz dəridən hazırlanmış, əli iş olan dəbli ayaqqabısı Avstriya istehsalı idi. Şalvarının ətəyi azacıq yuxarı qalxdığından corabı da aydınca görünürdü. Ayaqqabısı və şalvarı ilə həmahəng olan corabı, ilk baxışdan bəlliydi, hələm-hələm ələdüşməz İtaliya malıydı. Ağır cayıl maşınından enməyi ilə klassik üslubda say-seçmə geyimi ilə göz qamaşdırdı. Ürəyəyatımlı göy rəngdəki kostyumu Almaniyadan gətirilməydi. Dekorativ düyməli, təmiz pambıqdan hazırlanmış, göy və ağ rəngli nazik zolaqların məxsusi yaraşıq verdiyi köynəyi Şotland malıydı. Çində “Stocman” firmasının say-seçmə müştərilər üçün təmiz ipəkdən hazırladığı, həsəd doğuran qalstuku gözoxşayan kostyumu ilə bir-birini üzvi şəkildə tamamlayırdı. Əl atıb tərini silmək üçün cibindən çıxardığı dəsmalı isə İspaniya istehsalıydı. Qolundakı saat da nadir matahlardan sayılırdı, fransızların İsveçrədə iş quran “Jacgues Lemans” firmasına aid idi. Onun şişman əl çantası da hansısa tanınmış xarici şirkətin məhsuluydu. Özündənrazı bu zatın üstündəki geyimlərin qiyməti heç də altındakı maşının dəyərindən geri qalan deyildi. Ələsgər nəinki qohum-əqrabasının, hətta, simsarlarının da var-yoxunu satıb pula çevirsəydi belə çətinki, bu hampanın bığının altından keçə biləydi. Onun işi Allaha qalmışdı.
“Bentli”nin sürücüsünün yaxınlaşdığını görən Ələsgər tələm-tələsik maşınından düşdü. Qarşısındakının tövründən az qala hürkə.
- Əşi, nevezuxadı, neyləyim oldu da, davay bıstro podoydi poqovorim, vsyo budet okey...
- Sən Allah üzrlü say, fikirliydim, tələsirdim...
- Çudak, ne nado rola girmək, skazal je za vsyo zaplaçu kak palojeno... Ponimayu, arxadan vurmuşam, ya vinovat...
- Vallah, utandığımdan yerə girirəm, bağışla...
- Ay kişi, sən nə təhər adamsan, indi politsiya gələcək, eta tebe nado, ti toje mne... U tebya mersik da, al bu on mini, – deyə əl çantasından bir dəst yüzlük dollar çıxarıb Ələsgərə uzatdı. Tezcənə də fikirini dəyişdi, - xoroşo, bundan sənə maşın çıxmaz, beri etovo toje, istəyirsən düzəltdir, ya da bir-iki il işlənmiş təzəsini götürə bilərsən, tvoye delo, eto mne ne kasayetsya. – Bir yüzlük dollar dəstini də əlavə elədi.
Şahidi olduqlarından gözlərini matdım-matdım döyən Ələsgər sanki yuxudaydı. Pulları nə vaxt qamarladığından xəbəri olmadı. Allah imkansızlığın üzünü qara eləsin.
- Vallah, xəcalət verirsiniz, - Ələsgərin dili güclə söz tutdu. Bədahətən əlini gicgahına apardı, alnındakı çapıqdan süzülən qanı yalnız indi sezmişdi.
- Nu, xvatit je, gözümə soxma bunu, za eta toje zaplaçu, - deyib yenə əlini çantasına atdı. Daha bir yüzlük dəstini Ələsgərə uzatdı. – Beri, pomoyemu xvatit, ev həkimin var da naverno, intellegent adama oxşayırsan. Ne day Boq, birdən çaşıb bolnitsaya-zada gedərsən ha...
- Yox, yox, qətiyyən narahat olmayın, tanış həkim var, ona göstərəcəm...
- Viju, normalnı adama oxşayırsan, - sanki, Amerikanın pul çap eləyən maşını Əliqulunun ixtiyarındaydı, əlini şəstlə bir daha çantasına atdı. - Al bu paçkanı da, özünə maya qoyandan, maşınını təzələyəndən sonra dostlarını başına yığıb tselıy qod necə lazımdı kayf eləyərsən, stressini çıxardarsan... Nu kak, dovolen, doqovorilis?
- Hə, şey qaydasında, Allah canınıza sağlıq versin. Düzü, elə bil yuxudayam, baş verənləri hələ də axıra qədər qana bilmədim...
- Davay, əngə vermə, potom pozdno budet, seyças politsiya padyedet... Beri svoyu maşinu, tez sür qabaqdakı praflaktoriyaya, orda lyuboy zapçastın rodnoyu var... Skajiş, Əliqulu müəllim poslal, vsyo budet vporyadke... Politsiya mənlikdir, ne bespokoysya... Nu davay je duy otsyuda, çeqo jdyoş yeşyo... Siz də dağılışın, nədi avariya-zad görməmisiniz, toje mne, - deyə amiranə şəkildə ətrafdakılara çımxırdı. Kimsə cınqırını çıxarmadı, dağılışmağa başladılar.
- ...
Sağollşmağı belə unudan Ələsgər dabanına tüpürüb “Mersedes”ini sürətlə yerindən tərpətdi. Yoldaca maşınındakı tibb çantasından çıxardığı pambığı yoda batırıb yarasına əl gəzdirdi, zədələndiyi bilinməsin deyə üstünə leykoplastır yapışdırdı. Bir göz qırpımında özünü avtomobil təmiri məntəqəsinə yetirdi. Hadisə şəhərin kənar hissəsində baş verdiyindən yol polisi qəzadan xəbər tutunca gec oldu. Lap xəbər tutsaydılar da hamıya bəlliydi ki, Əliqulu müəllim heç nə olmayıbmış kimi hər şeyi qaydasına qoyacaqdı. Əslində qəzaya uğrayan avtomobillər də sən deyən lap elə bərk əzilməmişdi.
Əliqulu müəllimin adını eşidincə maşın ustalarının çöhrəsi sanki pöhrələndi. Anındaca müdirin özü çim yağ daman Ələsgərin başının üstünü kəsdirdi. Xeyli çək-çevirdən sonra razılaşdılar ki, ustalar iki min beş yüz dollara “Mersedes”i mataha çevirəcəklər, hətta, almanların özü də yəqinki bu avtomobilə həsəd aparacaqlar. Az qala, Ələsgər nə hayda olduğunu unuda. Düzü, onu günahlandırmaq da olmur. Bu, pul ki var ey, yaman köpəyoğlu şeydi də. Nəhayət, maşını ilə bağlı sövdələşməni bitirər-bitirməz qaranəfəsə banka sarı götürüldü. Dimdik görkəm alaraq yüzlük dollarları oğulcasına sayıb təkcə borcunu yox, məhkəməni də bağladı. Onca dəqiqənin içində bankın işçiləri şikayətlərini geri götürüb dedilər ki, a kişi səndən yoxdu ey, sən hara, məhkəmə hara, bir qələtdir eləmişik bizi bağışla.
Bu Ələsgər qəribə məxluqdur, ondan heç cür baş açmaq olmur. İndilərdə ilan ağzından qurtulmağına sevinmək əvəzinə fikri-zikri qalıb o Əliqulunun yanında. Bəs görəsən, onda öz dilimizdə qol-qabırğasını sındırdırmaqla tələffüs elədiyi o üç-beş kəlmədən başqa milli nəsə var?..
Əslində, yol qəzasını özü törətdiyi halda Əliqulunun xamlığı ucbatından bu məsuliyyətdən yan ötmüşdü. Onun yerinə başqası olsaydı, “bəxtim yamanca gətirdi”,- deyə çırtma vuraraq qol qaldırıb süzərdi ki, ay can, ay can, günahkar olmağım bir yana, heç nədən bütün borcumu bağladım, məhkəmə biabırçılığından qurtuldum, üçotaqlı evim yerində, tezliklə avtomobilim də cağbacağ təmirdən çıxacaq, hələ üstəlik dollarları bizimkinə çevirəndə əlimdə də nağd otuz min manatdan çox pul qalacaq. Ədalət naminə onu da unutmayaq ki, öz qələtinə görə Ələsgər ürəyində ötən müddətdə dəfələrlə Tanrıdan üzr istəmişdi. Pis adam deyildi, nə olar, həyatdı da, kişinin başına iş gələr. Görünür, Allahın yanında üzüqara olmayıb deyənə xəta-bəla son anda da olsa ondan sovuşdu. Bunu bir təhər başa düşdük. Di gəl, hər şey necə lazımdı ötüşəndən sonra onun Əliqulunun millilik səviyyəsini araşdırmaq eşqinə düşməyinə bilmirsən nə ad qoyasan?
Xeyri yoxdu, bankdan evinə piyada dönən Ələsgər yolboyunca beyninə zərrəcə olsun aman vermədi. İstəyinə bir də yaşadığı binanın kandarında çatdı. Aha tapdım, Əliqulunun sürücülük vəsiqəsi yüz faiz bizlikdir, heç o yan, bu yanı yoxdur. Onun sürücülük vəsiqəsi sırf millidir, özümüzünküdür. Eləmədi tənbəllik, ürəyinə gəldi ki, diplomu da olmamış olmaz, o da yəqinki qəlpdir. Buna da söhbət ola bilməz... Orası elədir, amma Ələsgərin ağlına o da gəlməliydi ki, vecinə almadan dəst-dəst dollarları sağa-soğa xərcələmək də bizimkilərlikdir. Əcnəbi köpək uşağı bu qələti eləyə bilməz. Axı, öz aramızdır, nə təhər eləsin? Gərək, bu zəhirmardan göydəndüşmə bağlama-bağlama gəlsin ki, sən də ağına-bozuna baxmadan paçka-paçka səpələyəsən.
Müəllifin bütün yazıları - Azad MÜZƏFFƏRLİ
Bölməyə aid digər xəbərlər
9-08-2020, 16:22
Azad MÜZƏFFƏRLİ - Erməni qaraçıları, yoxsa, qaraçı ermənilər - Azad Müzəffərli yazır
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
