15:17 / 28-05-2024
KTN-də yeni təyinat olub
Rəsmi Bakı Vaşinqtondan nəyi tələb edir?
Tarix: 17-09-2023 18:59 | Bölmə: Siyasət
Rəsmi Bakı Vaşinqtondan nəyi tələb edir?

ABŞ Dövlət Departamentinin Cənubi Qafqaz Danışıqları üzrə yeni baş məsləhətçisi Luis Bono Azərbaycana gəlib. L. Bononun səfərinin məqsədi Ermənistanla Azərbaycan arasında sülh prosesini irəli aparmaqdır. O, bu məqsədlə Ermənistan və Gürcüstana da səfər edəcək.

Bakıya səfəri çərçivəsində L. Bononun Azərbaycan Respublikasının Prezidenti İlham Əliyev və digər dövlət rəsmiləri ilə görüşü planlaşdırılıb. Planlaşdırılan görüşlərdən biri ötən gün xarici işlər naziri Ceyhun Bayramov ilə oldu.

Görüş zamanı bölgədə cari vəziyyət, Azərbaycan və Ermənistan arasında normallaşma və sülh prosesi, mövcud təhdid və çağırışlar müzakirə edilib. Bundan başqa, Ceyhun Bayramov cari ilin 1 sentyabr tarixində Azərbaycan prezidenti İlham Əliyev və ABŞ Dövlət katibi Entoni Blinken arasında təmaslar zamanı Ağdam-Xankəndi və Laçın yolunun eyni zamanda açılması istiqamətində əldə olunmuş razılığın həyata keçirilməsinə əngəl törədən tərəfin bundan öncəki razılıqlarda olduğu kimi, Ermənistan və onun yaratdığı qondarma rejim olduğunu diqqətə çatdırıb.

C. Bayramovun vurğulayıb ki, iki məqam diqqət çəkir:

1. Ağdam-Xankəndi və Laçın yolunun eyni zamanda açılması;

2. Yolun eyni zamanda açılması istiqamətində əldə olunmuş razılığın həyata keçirilməsinə əngəl törədən tərəfin Ermənistan və onun yaratdığı qondarma rejim olması.



Ümumiyyətlə, L. Bononun azərbaycanlı rəsmilərlə görüşdə Ağdam-Xankəndi və Laçın yolu mövzularını müzakirə etməsi gözlənilirdi. Daha doğrusu, L. Bononun gündəliyində Laçın yolu mövzunu müzakirə etmək var idi.

Ağdam-Xankəndi yolunun müzakirəsi isə daha çox Bakının gündəliyindədir. C. Bayramov da gözlənildiyi kimi, bu məsələni bir daha L. Bononun diqqətinə çatdırıb.

C. Bayramovun yolun eyni zamanda açılması istiqamətində əldə olunmuş razılığın həyata keçirilməsinə əngəl törədən tərəfin Ermənistan və onun yaratdığı qondarma rejim olmasını vurğulaması da təsadüfi deyil.

1 sentyabr tarixində Azərbaycan Respublikasının Prezidenti İlham Əliyev və ABŞ dövlət katibi Entoni Blinken arasında təmaslar zamanı Ağdam-Xankəndi və Laçın yolunun eyni zamanda açılması istiqamətində şifahi razılıq əldə olunub. Lakin Ermənistan və onun yaratdığı qondarma rejim bu gün yolun açılmasına mane olur. ABŞ isə buna etraz etmir.

Rəsmi Bakı yaxşı bilir ki, E. Blinken Azərbaycan və Ermənistan xarici işlər nazirlərini Nyu-Yorkda görüşdürmək istəyir. L. Bononun səfərinin bir səbəbi də budur. Lakin Bayramovun açıqlamasından da bu nəticəyə gəlmək olar ki, rəsmi Bakının ABŞ-a güvəni sarsılıb. Vaşinqton vasitəçiliyini davam etdirmək istəyirsə etimad mühitini yenidən bərpa etməlidir. Həm də əməli şəkildə.

C. Bayramovun sözləri Bakının Vaşinqtondan etimadını bərpa etmək üçün nələr istədiyini demək üçün ip ucları verir.

Bakının əsas şərti Ağdam-Xankəndi yolunun açılmasıdır. Bu, Laçın yolu ilə paralel də ola bilər, lakin burada əsas məqam Vaşinqtonun Ermənistan və onun dəstəklədiyi separatçılara qarşı sərt mövqe sərgiləməsidir. Əks təqdirdə Azərbaycanla Ermənistan arasında yeni toqquşma qaçılmaz olacaq.

Turan RZAYEV
Politoloq




Bölməyə aid digər xəbərlər
{sape_links}{sape_article}