14:50 / 28-02-2024
Lavrov Türkiyəyə gedir
Ukrayna Suriyanı, Fələstin məsələsi isə Ukraynadakı döyüşləri unutdurur
Tarix: 04-12-2023 10:12 | Bölmə: Slayd
Ukrayna Suriyanı, Fələstin məsələsi isə Ukraynadakı döyüşləri unutdurur

Rəsmi Kiyev İsrail-Fələstin qarşıdurması fonunda dünyanın Ukraynaya marağının azalmağa başladığından şikayətlənir. Bununla yanaşı Suriyadakı müharibəni dünyanın necə unutması kimi daha dəhşətli bir nümunə var.

Reyting.az
xəbər verir ki, bu barədə populyar “Politico” nəşri yazıb.

Nəşr qeyd edir ki, bu yaxınlarda əməkdaşı Türkiyədə səfərdə olub, orada nəvəsini müalicəyə gətirən 48 yaşlı Mahmud Amed Nasserlə görüşüb. Suriyalı deyib ki, səmada təyyarənin səsindən oğlan çox qorxmuşdu. Çünki Suriyanın üsyançıların nəzarətində olan ərazilərində təyyarənin uçması o deməkdir ki, rus bombaları onların başlarına düşmək üzrədir.

Ukraynadan fərqli olaraq, Suriya üsyançılarının mülki şəxslərin hücumdan öncədən xilas olmasına imkan verən radarlar, hava hücumundan müdafiə sistemləri və ya xəbərdarlıq siqnalları yoxdur. Yüzlərlə xarici jurnalist isə Rusiyanın yaşayış binalarına hər hücumunu işıqlandırmır. Suriyada əksər hallarda ölüm və dağıntılar dünyanın xəbərdarlığı və diqqəti olmadan baş verir.

“Rusiya hərbçiləri səkkiz ildir ki, Suriyada döyüşməyə və vəhşiliklər törətməyə davam edir, heç bir ləngimə əlaməti yoxdur. Bu, Rusiyanın Ukraynaya ayrı-seçkilik etmədən hücumlara keçəcəyinə hazır olduğuna dair bir siqnal və xəbərdarlıqdır. Söhbət həm də münaqişənin uzun müddət davam edəcəyinə işarədir”, - deyə “Politico” qeyd edib.

Nəşr xatırladır ki, Suriyadakı vətəndaş müharibəsi bir vaxtlar qlobal dünyanın diqqət mərkəzində olub. Bəşər Əsəd tərəfdarlarının müqaviməti qırmaq üçün törətdiyi vəhşiliklər dünyanı şoka saldığı üçün üsyançılar bir müddət Qərbdən rəğbət görüblər. Lakin illər keçdikcə problemin həlli dalana dirənib və dünyanın diqqəti başqa hadisələrə və digər münaqişələrə yönəlib.

Bu arada, BMT-nin hesablamalarına görə, Suriyada 12 il ərzində gündə 80-dən çox olmaqla ən azı 306 min insan ölüb. Və bu, minimum təxmindir. Bəzi QHT statistikalarına görə, bu müharibədə 600 mindən çox mülki vətəndaş və hərbçi həlak olub. Daha faciəlisi odur ki, Rusiyanın Ukraynaya müdaxiləsi dünyanın Suriyadakı müharibəni unutması ilə nəticələnib.

Bundan başqa, BMT-nin humanitar agentlikləri, xarici dövlət və qeyri-hökumət fondları da diqqət və resurslarını əsasən Ukraynaya yönəldiblər. Və bunun fonunda Yaxın Şərq ölkələri artıq Əsəd rejimi ilə normal münasibətləri bərpa etməyə hazırdırlar. May ayında Suriya lideri 2011-ci ildən bəri ilk dəfə Ərəb Liqasının sammitində hərarətlə qarşılanıb.

“Ukraynalılar da suriyalı qaçqınların taleyindən xəbər tutmalıdırlar”, - deyə nəşr xəbərdarlıq edir.

E. KAMAL




Bölməyə aid digər xəbərlər
{sape_links}{sape_article}