00:11 / 14-06-2024
Bu gün "Son zəng"dir
Yeni araşdırma: ev şəritində gül yetişdirmək sağlamlığa xeyirdir
Tarix: 27-05-2024 19:01 | Bölmə: Slayd
Yeni araşdırma: ev şəritində gül yetişdirmək sağlamlığa xeyirdir

Qapalı şəraitdə bitki yetişdirmək və evdə güllərə qulluq etmək insan mikrobiotasını gücləndirmək və immuniteti dəstəkləməklə sağlamlığa töhfə verir.

Reyting.az
-ın xəbərinə görə, Helsinki Universitetinin Biologiya və ətraf mühit elmləri fakültəsinin tədqiqatçısı Mika Sarenpeanın rəhbərlik etdiyi araşdırma zamanı məlum olub ki, evdə və qapalı məkanlarda bitki yetişdirmək insan sağlamlığı üçün faydalıdır.

Hazırda dünya əhalisinin əksəriyyəti şəhərlərdə, beton divarlar arasında yaşayır. Torpaqdan və bitkilərdən bu qədər uzaq olmaq sağlamlığa zərərlidir. Amma şəhərdə yaşamaqla eyvanlarda və evlərdə mikro bitkilər yetişdirməklə hər kəs öz sağlamlığına töhfə verə bilər.

Qeyd edək ki, həzm sistemində tapılan müxtəlif mikroorqanizmlərə “mikrobiota” deyilir. Bu mikroorqanizmlər sağlamlığımıza birbaşa təsir edir. Xüsusilə bağırsaq mikrobiotası çox vacibdir.

M. Sarenpean deyib ki, araşdırmalarında iştirak edən və bir ay ərzində qapalı yerlərdə bağban kimi çalışanların qanında dəri və antiinflamatuar quruluşdakı faydalı bakteriyaların müxtəlifliyi artıb.

Finlandiyada qapalı bitkiçilik üzrə tədqiqat aparan akademiklər aşağıdakı tövsiyələri veriblər:

Uşaqlıqda immun sistemi sürətlə inkişaf etdiyi üçün uşaqları erkən yaşda təbiətlə, təbiətdəki mikroblarla tanış etmək vacibdir. Bədənin bu mikrobları tanımaması allergiya kimi immunitetlə əlaqəli pozğunluqlara səbəb olur.

Mikroblarla zəngin torpaqla doldurulmuş qablar uşaq bağçalarında, məktəblərdə və xəstəxanalarda, xüsusilə sıx tikilmiş şəhərlərdə istifadə edilə bilər.

Şəhər bağçılığı faydalı olması üçün tozlu mühitlərdən qaçınılmalıdır.

V. QULİYEV




Bölməyə aid digər xəbərlər
{sape_links}{sape_article}