Ruslar Ukraynanı Azov dənizindən vurmağa başlayıb
Tarix: 22-06-2024 14:41 | Bölmə: Slayd
Ruslar Ukraynanı Azov dənizindən vurmağa başlayıb

Rusiya ordusu Azov dənizindəki gəmilərindən Ukraynaya “Kalibr” tipli raketlər atır.

Reyting.az
xəbər verir ki, bunu Cənub Ordu qruplaşmasının rəsmisi Dmitri Pletençuk deyib.

Onun sözlərinə görə, Azov dənizindən dörd raket (Kalibr tipli - red.) buraxılıb və bu, mühüm dönüş nöqtəsidir, çünki ruslar bu ərazini Qara dənizdən daha təhlükəsiz akvatoriya hesab edirlər.

D. Pletençuk qeyd edib ki, Ukraynanın Hərbi Hava Qüvvələri atılan “Kalibr” raketlərini vurub:

“Bu tip raketlərin effektivliyi artıq genişmiqyaslı işğalın başlanğıcındakı kimi deyil və Ukrayna Silahlı Qüvvələri onlarla nə edəcəyini bilir.

Bununla belə, bu fakt da xoşagəlməzdir, çünki ruslar qərara gəldilər ki, öz gəmilərini yerləşdirmək və onlardan istifadə etmək üçün Azov dənizindən istifadə edə bilərlər”.

Ordu qruplaşmasının rəsmisi əlavə edib ki, raket daşıyıcılarının yeri ilə bağlı vəziyyət dəyişməzdir: “Bir sualtı qayıq Qara dənizdə yerləşir, onun göyərtəsində 4-ə qədər raket ola bilər. Üç buraxılış aparatı Azov dənizindədir və onlar 20-yə qədər raket daşıya bilirlər”.

Qeyd edək ki, bu gecə Rusiya ordusu Ukraynanın müxtəlif bölgələrində mühüm infrastruktur obyektlərinə raket və hava zərbələri endirib. Ruslar hava, dəniz və yerüstü raketlərdən, həmçinin “Şahed” tipli PUA-larından istifadə ediblər.

Hərbi Hava Qüvvələrinin komandanı, general-leytenant Nikolay Oleşçukun sözlərinə görə, ruslar 16 müxtəlif tipli raketdən və 13 hücum pilotsuz uçan aparatından istifadə edib. Ukrayna müdafiəçiləri bütün pilotsuz təyyarələri və 12 raketi vurub.

E. KAMAL




Bölməyə aid digər xəbərlər
18-07-2024, 14:03 Tramp Avropanı qorxudur

{sape_links}{sape_article}