11:31 / 19-06-2019
Platini azadlığa çıxdı
Siyasilər bələdiyyə başqanının ermənipərəst siyasətinə sərt reaksiya verdi - Fotolar
Tarix: 12-06-2019 12:46 | Bölmə: Slayd
Siyasilər bələdiyyə başqanının ermənipərəst siyasətinə sərt reaksiya verdi
(Qars şəhərindən görüntü)

Türkiyənin Qars şəhərinin bələdiyyə başqanı seçilən HDP-nin kürd əsilli nümayəndəsi Ayhan Bilgenin Türkiyəyə qarşı saxta soyqırımı ittihamı ilə çıxış edən Ermənistana xoş münasibətindən qaynaqlanan narazılıqlar artır.

Belə ki, Ayhan Bilgenin bələdiyyə başqanı seçilməsindən az vaxt keçsə də, onun Ermənistana münasibəti, Türkiyənin dövlət siyasətinin ziddinə olaraq işğalçı ölkə ilə Qars bələdiyyəsi arasında xoş münasibətlər qurması Azərbaycan ictimaiyyətini də hiddətləndirib.

Bu barədə fikirlərini Reyting.az-la bölüşən Borçalı Cəmiyyətinin sədri, siyasi şərhçi Zəlimxan Məmmədli deyib ki, HDP-nin PKK-nın siyasi qolu olmasını sübut etməyə ehtiyac qalmayıb. Onun sözlərinə görə, uzun zamandır, 2010-cu ildən Qarsa get-gəli var və daha çox siyasi fəal təbəqə ilə əlaqədə olur:

Siyasilər bələdiyyə başqanının ermənipərəst siyasətinə sərt reaksiya verdi
(Z. Məmmədli)

“Müşahidələrim əsasında bu qorxunun real olduğunu zaman-zaman türkiyəli dostlarımızın nəzərinə çatdırmışdıq. MHP-nin çox ciddi yanlışlıqları, elektoral bazanın əhəmiyyətli hissəsini təşkil edən soydaşlarımızın daha çox süni şəkildə azəri, yerli, gəlmə, tərəkəmə kimi bölücülüyə uğraması və bu bölücü prosesin gözəgörünməz qüvvələr tərəfindən körüklənməsi deməyə əsas verirdi ki, HDP-nin revanşı olacaq və idealları gerçəkləşə bilər. Ümumiyyətlə, Qars və İğdır üzərində rus-erməni-pkk-iran mərkəzlərinin iş birliyini hər zaman müşahidə etmişəm. Etnik vahidliyi sadaladığım formada bölməkdən əlavə məzhəb üzərində bölücülük də sistemli getməkdədir. Sadaladığım mərkəzlər bu iki bölgə üzərində nəzarəti ələ keçirməyi strateji maraq olaraq müəyyənləşdiriblər”.

Z. Məmmədli əlavə edib ki, ən azından Qars və İğdırın seçki ilə PKK-nın siyasi qoluna təslim edilməsi Türkiyə və Azərbaycan arasında quru məsafəsini maksimum aralamaq və həmin zonanı nəzarətə götürməklə gələcəkdə "cəfəng "böyük ermənistan" və Kürdüstan coğrafiyasının sərhəddini genişləndirməyə münbit şərait yaratmaqla ağır nəticələr verə bilər: “Bu, Türkiyənin ən yaxın qonşuları Naxçıvan, Ahıska və Borçalı bölgəsini təhdidlə üz -üzə qoyur. Qarsda Ermənistan nümayəndələrinin yüksək səviyyədə qarşılanmasını da bu projenin tərkibi hesab edirəm. Türkiyə siyasi sistemi bu yanlışlığı ən yaxın gələcəkdə düzəltməyə məhkumdur. Soydaşlarımızın həmin coğrafiyalarda siyasi fəallıqlarının yüksəldilməsi və seçkidə daha çox vahid mövqeyə gəlmələrinə çalışmaq da vacib planlardan biri olmalıdır”.

Siyasilər bələdiyyə başqanının ermənipərəst siyasətinə sərt reaksiya verdi
(H. Rüstəmov)

ADP sədrinin müavini Həsrət Rüstəmov isə Reyting.az-ın əməkdaşına deyib ki, qardaş ölkənin rəsmi şəxsinin belə bir addımı ürəkağrıdıcıdır: “Qars azərbaycanlıların da tarixi Vətənidir və biz, qardaş Türkiyəni bütünlüklə özümüzə Vətən hesab edirik. Ona görə də Qarsda düşmənlərimizə - separatizmi və işğalı dəstəkləyən ermənilərə - isti münasibət göstərilməsi ermənilərin bütün soydaşlarımıza vurduqları zərbədən daha ağır zərbədir. Ümid edirik ki, qardaş xalqımız bu bələdiyyəni kimə həvalə etməsinin bundan sonra fərqində olacaqdır”.

Siyasilər bələdiyyə başqanının ermənipərəst siyasətinə sərt reaksiya verdi
(Qars bələdiyyəsində ermənilərlə görüş)

Xatırladaq ki, Qarsın bələdiyyə başqanının bir müddət əvvəl Ermənistandan gələn rəsmi nümayəndə heyəti ilə görüşlər təşkil edib, Ermənistanla Qars bələdiyyəsi arasında əməkdaşlıq qurmaq planına Türkiyə ictimaiyyətindən də sərt reaksiyalar verilməkdədir.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}