Deputat Mahir Aslanovun gizli biznesi… - Fotolar
Tarix: 13-08-2019 11:30 | Bölmə: Slayd
Deputat Mahir Aslanovun gizli biznesi…

Dövlət Şəhərsalma və Arxitektura Komitəsindən əldə olunan sənədlər Naftalandan Milli Məclisə deputat seçilmiş Mahir Aslanovun ictimaiyyətdən gizli saxladığı biznesini üzə çıxarıb.

Reyting.az
-ın məlumatına görə, bununla bağlı araşdırmanı jurnalist Cavanşir Həsənli apararaq sosial şəbəkədə yayımlayıb.

C. Həsənli yazır ki, Mahir Aslanov ötən il mətbuata açıqlama verərək, “təmsil etdiyi” rayonda sanatoriya-filan tikdirmədiyini, adında heç bir istirahət mərkəzi, biznes-filan olmadğını bildirsə də, səsi Rumıniyadan gəlir: “Üstəlik, oğlu “Maserati” ilə avtoşluq edəndə deyirdi ki, biz zəhmətkeş insanlarıq. İndi sizə təqdim etdiyim sənədlərə baxın”.

Araşdırma nəticəsində məlum olub ki, Mahir Aslanov ötən ilin may ayının 16-da Naftalanın Şirvan prospekti, 4 C ünvanında ümumi sahəsi 10 min kvadrat metrdən artıq 7 mərtəbəli müalicə-sağlamlıq mərkəzinin tikintisi üçün öz adına icazə alıb.

Naftalanda deputatın daha bir müalicə sağlamlıq mərkəzi də var - “Kəpəz” sanatoriyası.

Dövlət Şəhərsalma və Arxitektura Komitəsindən əldə olunan digər bir sənədə görə Mahir Aslanov öz adına 2017-ci il iyulun 18-də Xətai rayonu, Nobel prospekti, 9 ünvanında 7 mərtəbəli, mansardı olan ofis binasının tikintisinə icazə alıb.

Amma deputat orada ofis yox, otel tikdirib. İndi həmin ünvanda 95 saylı seçki dairəsi adından şəxsi biznesini təmsil edən Mahir Aslanovun ümumi sahəsi 2249.1 kv.m. olan “Nobel” oteli fəaliyyət göstərir.

Bundan əvvəl isə mətbuat yazıb ki, Bakıdakı HAPPY İNN HOTEL və “Kəpəz” mebel salonları da deputata məxsusdur. Niyə HAPPY İNN? Çünki deputatımız xalqın əvəzinə çox xoşbəxtdir, mandat, otellər, istirahət mərkəzləri, sərhəd tanımayan biznes, deklarasiyasız sərvət…

Bir də deputatımızın səsi Avropadan, konkret desək Rumıniyadan gəlir. Buxarestdə 17 ildən bəri fəaliyyət göstərən NİCO KAPAZ SRL şirkətinin sahibidir.

Qeyd olunur ki, Mahir Aslanovun oğlu Məhəmmədəli Aslanov Xətai Rayon İcra Hakimiyyəti Başçısı Aparatının Sosial-iqtisadi inkişafın təhlili və proqnozlaşdırılması şöbəsinin müdiri vəzifəsində çalışır.

Xatırladaq ki, 2015-ci ilin yanvar ayında avtoxuliqanlıq edən sürücünün 10 GV 888 dövlət nömrə nişanlı “Maserati” markalı bahalı avtomobil cərimə meydançasına aparılıb. Məlum olub ki, belə bahalı avtomobillə “avtoşluq” edən sürücü Famil Mahir oğlu Aslanovdur.

Deputat Mahir Aslanovun gizli biznesi… Deputat Mahir Aslanovun gizli biznesi…
Deputat Mahir Aslanovun gizli biznesi… Deputat Mahir Aslanovun gizli biznesi… Deputat Mahir Aslanovun gizli biznesi… Deputat Mahir Aslanovun gizli biznesi…

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}