Tramp "Barış Pınarı" əməliyyatını dayandırdı: YPG 120 saata 32 km çəkiləcək - Ərdoğan Penslə razılaşdı
Tarix: 17-10-2019 22:18 | Bölmə: Slayd
Tramp "Barış Pınarı" əməliyyatını dayandırdı: YPG 120 saata 32 km çəkiləcək - Ərdoğan Penslə razılaşdı

Bu gün Ankarada Türkiyə prezidenti Ərdoğanla təkbətək və heyətlərlə birgə ümumilikdə 4 saat 20 dəqiqə çəkən görüşdən sonra ABŞ-ın vitse-prezidenti Maykl Pens Amerikanın bu ölkədəki səfirliyində açıqlama verib.

Reyting.az
xəbər verir ki, o, Ərdoğanla görüşdə "Barış Pınarı" əməliyyatının dayandırılması ilə bağlı razılaşdıqlarını deyib: "ABŞ və Türkiyə Suriyada atəşkəs haqqında razılaşdı. Türkiyə Suriyada keçirdiyi hərbi əməliyyatı dayandıracaq, YPG/PYD isə 120 saat ərzində Türkiyənin arzu etdiyi məsafəyə çəkiləcək".

O, əlavə edib ki, ABŞ "Barış Pınarı" əməliyyat zonasından YPG silahlılarının çıxarılmasına kömək edəcək: "Hər şey qaydasında olduğundan, ABŞ-ın Türkiyəyə sanksiyalar tətbiq etməsi də gündəmdə olmayacaq".

Pensin çıxışı ərəfəsində isə ABŞ prezidenti Donald Tramp sosial şəbəkədə açıqlama verib.

O, "Türkiyədən gözəl xəbərlər var, Ərdoğana təşəkkürlər, milyonlarla həyat xilas ediləcək", - deyə yazıb.

Tramp əlavə edib ki, Ərdoğan onun dostudur: "Daha sanksiyalara da ehtiyac qalmadı. Noyabrda Ərdoğanla ABŞ-da görüşəcəm".

Türkiyənin Xarici işlər naziri Mövlud Çavuşoğlu isə ""Barış Pınarı"nı dayandırmırıq. Bu, atəşkəs deyil, sadəcə əməliyyata ara veririk", - deyə qeyd edib.

Nazir deyib ki, YPG tələb olunan məsafəyə çəkilənə qədər gözləyəcəklər: "Biz tələb etdiyimiz, arzuladığımız nəticəni aldıq. ABŞ təhlükəsizlik zonasının yaradılmasının əhəmiyyətini qəbul etdi. Biz tamamilə razılaşdıq. İndi PYD/YPG-nin məlum ərazidən çıxmasını gözləyirik".

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}