Deputatlar yeni qadağadan çıxış yolu axtarır - Foto
Tarix: 18-10-2019 16:15 | Bölmə: Slayd
Deputatlar yeni qadağadan çıxış yolu axtarır

Ötən gün deputat Fazil Mustafa maraqlı bir məqama toxunub. F. Mustafa bildrib ki, Azərbaycan parlamentinin televiziya kanalı olmadığı üçün parlamentdə səsləndirdikləri hər hansı fikri cəmiyyətə çatdıra bilmirlər: “Əvvəllər bunu bir az sosial şəbəkə vasitəsi ilə edirdik. Amma indi bu da qadağan olunub”.

Məsələyə münasibət bildirən Milli Məclisin deputatı Asim Mollazadə isə Reyting.az-a deyib ki, ölkədə parlament televiziyasının yaradılmasına ehtiyac var: “Bu kanalda parlamentdə aparılan müzakirələr canlı olaraq izləyiciyə təqdim edilməlidir”.

Mollazadə əlavə edib ki, bütün dünyada parlamentlərin televiziya kanalı var, bu kanallar vasitəsilə aparılan müzakirələr canlı olaraq seçiciyə və vətəndaşa təqdim olunur. Onun sözlərinə görə, Azərbaycan parlamentinin də belə bir telekanala ehtiyacı var: “Mən bunun tərəfdarıyam. Bir daha qeyd edirəm ki, parlament televiziyası anlayışı və ənənəsi var”.

Deputatlar yeni qadağadan çıxış yolu axtarır

Mollazadə bildirib ki, parlament televiziyasında yalnız Milli Məclisdə aparılan müzakirələr xalqa təqdim edilməlidir: “Bu kanal digər özəl kanallardan fərqlidir və orada yalnız parlamentin fəaliyyəti işıqlandırılır. Belə bir telekanalın bizdə də olması yaxşıdır”.

Buna paralel olaraq Mollazadə qeyd edib ki, deputatların parlamentdə çıxışlarının sosial şəbəkə üzərindən canlı təqdim etməsinin qadağan olunmasına dair onda hər hansı məlumat yoxdur.

Qeyd edək ki, Milli Məclisdə parlamentin özünün televiziya kanalının yaradılmasına dair təkliflər müxtəlif illərdə dəfələrlə səsləndirilib.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}