ABŞ-dakı qarşıdurmanın gizlinləri üzə çıxır: “Dərin dövlət”, Soros və Rusiya qızışdırıcı mövqe tutub?
Tarix: 03-06-2020 14:27 | Bölmə: Slayd
ABŞ-dakı qarşıdurmanın gizlinləri üzə çıxır: “Dərin dövlət”, Soros və Rusiya qızışdırıcı mövqe tutub?

Mayın 26-da ABŞ-da polis tərəfindən qətlə yetirilən 46 yaşlı qaradərili George Floydun öldürülməsinə etiraz olaraq başlayan aksiyalar davam edir.

Reyting.az
-ın məlumatına görə, bir həftədən çoxdur ABŞ-da davam edən aksiyalarla bağlı müxtəlif iddialar dünya gündəmini zəbt edib. Küçə yürüşləri və mitinqlərin arxasında kimlərin durması, prosesi hansı qüvvələrin qızışdırması barədə müxtəlif iddialar irəli sürülür.

Qeyd edək ki, ötən həftə polisin qətlə yetirdiyi qaradərili Floydun ölümündən sonra başlayan aksiyaların arxasında kimlərin dayanması ilə bağlı sosial şəbəkələrdə çoxlu sayda iddialar yer alıb.

BBC-nin Təsdiqləmə bölməsi olan Reallıq Çek, sosial mediada yayılan iddiaları araşdıraraq təəccüblü nəticələr ortaya çıxarıb.

İddialardan biri aksiyaların arxasında macar əsilli milyarder, dünyada rəngli inqilabların təşkilatçısı kimi təqdim edilən Corc Sorosun dayanmasına dairdir. Bu iddianı bəzi siyasətçiər də əsaslı sayır. Qeyd olunur ki, Corc Soros ABŞ-da “İrq müharibəsi” başladaraq Prezident Trampı hakimiyyətdən devirmək istəyir.

Trampın devrilməsinin “Dərin dövlət”in də əsas hədəfi olduğuna dair iddialar var.

Yeri gəlmişkən, Facebook, Tvitter və İnstagram hesablarında Sorosun bu təxribatlara pul ödəməkdə ittiham edən milyondan çox payaşım var. Sorosun başında durduğu Açıq Cəmiyyət İnstitutu isə bu iddiaları rədd edərək bildirir ki, Soros və Açıq Cəmiyyət İnstitutu hər cür zorakılığa qarşıdır və insanlara etiraza çıxmaq üçün pul ödəməyib.

ABŞ-da günlərdir ki, davam edən aksiyaların arxasında xarici ölkələrin durduğuna dair iddialar da səsləndirilir. Xüsusilə, ABŞ-dakı qarşıdurmalarda Rusiyanın rolu haqqında fikirlər ortaya atılıb. Sosial platformalardakı minlərlə paylaşımlarda G. Floydun ölümündə Rusiyanın rolu olduğu iddia edilir. Qeyd olunur ki, ABŞ-da baş verənlər Rusiya hərbi kəşfiyyatının əməliyyatıdır və yüksək səviyyədə hazırlanan planın tərkib hissəsidir.

Başqa bir iddiaya görə, bu aksiyaların arxasında Honkonqda müstəqilliyin tərəfdarı olan qüvvələr dayanır. Çinin “Qlobal Times” qəzetinin baş redaktoru Hu Sijin tərəfindən ortaya atılan bu iddiada bildirilir ki, ABŞ-dakı aksiyaların arxasında Honkonqdakı separatçılar dayanır.

Çin Xarici İşlər Nazirliyi isə bəyan edib ki, Honkonq və ABŞ-da baş verənlər arasında hər hansı bir əlaqə axtarmağa ehtiyac yoxdur.

ABŞ-dakı aksiyalarda xarici qüvvələrin əlinin olması haqqında iddiaları gücləndirən bir neçə real hadisədir. Məsələn, Floydla bağlı aksiya başlayan kimi azyaşlı uşağın polis tərəfindən həbs edilməsi və zorakılığa məruz qalmasına dair video paylaşılıb. Bu video qısa müddət ərzində 10 milyondan çox izlənilib. Sonradan məlum olub ki, video aprel ayında Şimali Kaliforniyada çəkilib. Amma məqsədli şəkildə mayın sonlarında yayılıb.

Başqa bir videoda qaradərili xanımın polis zorakılığına qarşı nifrəti ifadə olunur. Amma araşdırma zamanı bəlli olur ki, sözügedən video 2016-cı ildə Slton Trelingqə başqa qaradərili şəxsin polis tərəfindən öldürülməsinə qarşı etiraz zamanı lentə alınıb.

Mayın 28-də Tvitterdə paylaşılan daha bir videoda isə ABŞ-da bir polis idrəsinin yandırıldığı görünür. Əslində video 2015-ci ildə baş verən bir partlayış zamanı çəkilib. Videoda yanan bina isə Çinin Tianşin şəhərində yerləşir.

İddia olunur ki, bəzi qüvvələr belə videoları paylaşmaqla aksiyanı qızışdırmaq məqsədi güdürlər və bu, böyük planın tərkib hissəsinə daxildir.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}