Azərbaycanın Türkiyə ilə yanaşı Pakistanla da birgə hərbi təlimlər keçirməsi təklif olunur - Foto
Tarix: 31-07-2020 15:49 | Bölmə: Slayd
Azərbaycanın Türkiyə ilə yanaşı Pakistanla da birgə hərbi təlimlər keçirməsi təklif olunur

“Azərbaycan və Türkiyə ordularının bundan əvvəl də təlimləri olub. Buna fövqəladə bir hal kimi baxmaq doğru deyil. Hərbi təlimlər gedir, bu, üçüncü ölkəyə qarşı yönəlməyib. İki ölkə arasında hərbi əməkdaşlıq var və buna uyğun olaraq Qarsda, Ərdahanda da təlimlər keçirilib. Eləcədə Egey dənizində də təlimlərdə bizim hərbçilərimiz iştirak edib. İndi də türk hərbçilər Azərbaycana gələrək təlimlərdə iştirak edirlər. Sözsüz ki, türk ordusu sayca daha çoxdur, bu, bütövlükdə həm də təcrübə mübadiləsidir. Odur ki, belə tədbirləri mürəkkəbləşdirmək lazım deyil”.

Bunu Reyting.az-a Milli Məclisin deputatı, Böyük Quruluş Partiyasının rəhbəri Fazil Mustafa Azərbaycan və Türkiyə silahlı qüvvələrinin birgə təlimlərini şərh edərkən deyib.

Azərbaycanın Türkiyə ilə yanaşı Pakistanla da birgə hərbi təlimlər keçirməsi təklif olunur

Fazil Mustafa əlavə edib ki, Azərbaycan digər ölkələrlə də belə təlimlər keçirə bilər: “Məsələn, Pakistanla da belə hərbi təlimi Azərbaycanda keçirə bilərik. Ona görə də, bu narahatedici məqam kimi qiymətləndirilməməlidir. Mən istəyərdim ki, Azərbaycan Pakistan ordusu ilə hər iki ölkədə təlimlər keçirsin. Bu da, göstərsin ki, biz müttəfiq olduğumuz bütün ölkələrlə prosedur qaydalarına uyğun şəkildə təlim keçirir və burada heç bir ölkəni təhdid etmirik. Yəni bu hərbi əməkdaşlıq konteksində baxılacaq məsələdir”.

Azərbaycan və Türkiyə ordusunun təlimlərinə qarşı çıxanların olduğuna dair məsələlərə gəldikdə, F. Mustafa bildirib ki, ola bilsin, kimlərsə bunu narahatlıqla izləyir və bunun bizə ziyan vuracağını düşünürlər: “Amma bizimki artıq ziyandan o tərəfə keçib, 20 faiz torpağımız işğal edilib. Biz mütləq yollar axtarmalı, hərbi əməkdaşlığı genişləndirməliyik. Biz İsraildən silah alırıq, sabah İran mövqeyini dəyişsə, müsəlmanları dəstəkləyən siyasətə keçsə, İranla da hərbi təlimlər keçirə bilərik. Amma İran birbaşa Ermənistana dəstək verən ölkə olduğundan onunla belə tədbirlər keçirmirik. Əgər kimlərsə bu narazılığı İrançı mövqedən ifadə edirsə, gedib ağalarına yalvarsınlar ki, siyasəti dəyişin, bizim də üzümüz qara olmasın, xəcalət çəkməyək. Əlavə etsinlər ki, Türkiyəni sevən insanlar deyirlər ki, bu Türkiyənin, bu Pakistanın, bu da İranın mövqeyi”.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}