12:10 / 25-06-2022
Sabah yağışlı hava olacaq
Sərdar Cəlaloğlu: “Ukraynaya vurulan ziyanı etiraf edən lider Rusiyada hakimiyyətə gələcək”
Tarix: 19-05-2022 13:49 | Bölmə: Slayd
Sərdar Cəlaloğlu: “Ukraynaya vurulan ziyanı etiraf edən lider Rusiyada hakimiyyətə gələcək”

“Ukraynaya qarşı müharibəni başladan Vladimir Putindir. Bunun nəticəsində bəşəriyyət Ukraynaya dəstək verir. Zamanında Hitler Almaniyası müharibə başlatdı və bunun nəticəsində bəşəriyyət böyük zərər çəkdi. Bunun qarşılığında həm alman xalqı, həm alman dövləti, həm də şəxsən Hitler məsuliyyət daşıyırdı və cavab verməli oldu. İndi də Ukrayna müharibəsinə görə, rus xalqı, rus dövləti və Putin məsuliyyət daşıyır. Sözsüz ki, cavabdeh olmalıdır”.

Bu sözləri Reyting.az-a Azərbaycan Demokrat Partiyasının (ADP) sədri Sərdar Cəlaloğlu Rusiya-Ukrayna müharibəsindən danışarkən deyib.

Onun sözlərinə görə, indi şəxsən Putinin qabardılması, bütün təqsirin onda olması görüntüsünün yaradılması digər şəxsləri məsuliyyətdən azad etmir: “Yəni hər şeyi Putinin üzərinə yıxmaq digərlərini məsuliyyətdən kənarda qoya bilməz. Odur ki, müharibəni başladan, bu prosesdə əli olan hər kəs məsuliyyət daşıyır”.

S. Cəlaloğlu əlavə edib ki, Ukrayna müharibəsi mütləq Rusiyanın məğlubiyyəti ilə başa çatacaq: “Dünya dövlətlərinin maraqları Ukraynanın qələbəsini tələb edir. Odur ki, qələbənin kim tərəfində olması əvvəlcədən məlum idi”.

ADP sədrinin fikrincə, əgər Ukrayna məğlub olmağa yaxınlaşsa, döyüşün hansısa mərhələsində Qərb ölkələri də prosesə cəlb olunub, bu savaşda tərəf olacaq.

S. Cəlaloğlu qeyd edib ki, rəsmi Moskva müharibəni uduzandan sonra beynəlxalq hüquqa hörmət edən, dünyaya açılan, Ukraynaya vurulan ziyanı etiraf edən və düzgün siyasət aparan lider Rusiyada hakimiyyətə gələcək. Bu halda Rusiyanın yeni komandası çalışacaq ki, indikindən fərqli siyasət aparsın.




Bölməyə aid digər xəbərlər
{sape_links}{sape_article}