“Qazprom” şirkətinin aktivləri dondurulur
Tarix: 20-06-2018 09:31 | Bölmə: Slayd
“Qazprom” şirkətinin aktivləri dondurulur

London kommersiya məhkəməsi Rusiyanın “Qazprom” şirkətinin Böyük Britaniya ərazisindəki aktivlərini dondurmağa icazə verib. “Gazeta.ru”nun xəbərinə görə, bu barədə Ukraynanın “Naftoqaz” şirkətinin saytındakı məlumatda bildirilir.

“Naftoqaz”dan bildirilib ki, aktivlərin dondurulması “Qazprom”un 2,6 mlrd. dollarlıq ödənişinə dair Stokholm arbitraj məhkəməsinin qərarının təmin edilməsi üçün gərəkdir.

Məlumata görə, məhkəmə qərarından sonra “Qazprom” İngiltərə və Uels ərazisindəki aktivlərinin siyahısını iki gün ərzində “Naftoqaz”a təqdim etməlidir.

“Naftoqaz” həmçinin “Qazprom”la çalışan 17 banka müraciət edərək, qaydaları pozacaqları təqdirdə cərimə olunacaqları ilə bağlı xəbərdarlıq edib.(APA)




Bölməyə aid digər xəbərlər