15:17 / 28-05-2024
KTN-də yeni təyinat olub
Keçmiş baş naziri öldürmək istəyiblər
Tarix: 13-09-2023 17:55 | Bölmə: Dünya
Keçmiş baş naziri öldürmək istəyiblər
Sanna Marin

Ötən ilin avqust ayında Lahti şəhərinə səfəri zamanı Finlandiyanın keçmiş baş naziri Sanna Marini öldürmək istəyiblər. Keçmiş baş nazirə sui-qəsd planını ölkədəki ifrat sağçı qrup hazırlayıb.

Reyting.az
xəbər verir ki, bu barədə “The Times” qəzeti Finlandiyanın Helsinkidən 100 km şimalda yerləşən Lahti şəhərində keçirilən məhkəmə prosesində açıqlanan məlumatlara istinadla yazıb.

Sui-qəsd hazırlayan dörd şübhəlinin terror aktı planlaşdırmaqda, odlu silah hazırlamaq üçün 3D printerlərdən istifadə etməkdə və odlu silah saxlamaqda ittiham ediləcəyi gözlənilir.

Polis onların evlərinə basqınlar zamanı parlament üzvləri, antifaşist fəallar və azlıqların nümayəndələri də daxil olmaqla, digər "potensial hədəflərin" siyahılarını üzə çıxarıb.

Xatırladaq ki, S. Marinin rəhbərlik etdiyi hökumət 2 aprel parlament seçkilərində təmsil olunduğu Sosial Demokrat Partiyasının (SDP) məğlubiyyətindən sonra istefa verib. Aprelin 5-də mətbuat konfransında Marin Finlandiya parlamentinin üzvü olaraq qalmaq niyyətində olduğunu vurğulayaraq SDP-nin rəhbəri postunu tərk etmək niyyətini açıqlayıb. Sentyabrın 12-də o, deputatlıqdan da istefa verib.

ELÇİN




Bölməyə aid digər xəbərlər
24-05-2024, 07:35 Kiyev Krımı yenə vurub

{sape_links}{sape_article}