17:58 / 22-05-2024
"Şamaxı" çempion olub
Rusiya və Şimali Koreya liderlərinin görüşündə maraqlı anlar... - Foto
Tarix: 14-09-2023 17:58 | Bölmə: Dünya
Rusiya və Şimali Koreya liderlərinin görüşündə maraqlı anlar...

Dünən Rusiya prezidenti Vladimir Putinlə Şimali Koreya lideri Kim Çen In arasında keçirilən görüşdə “stultəmizləmə əməliyyatı” oxlarının marağına səbəb olub.

Rerting.az
xatırladır ki, Rusiyaya xüsusi zirehli qatarla yollanan Şimali Koreya lideri dünən ölkənin Uzaq Şərq bölgəsindəki “Vostoçnıy” kosmodromunda Putinlə görüşüb.

Putin Kimi “Sizi görməyə şadam”,- sözləri ilə qarşılayarkən, tərcüməçi vasitəsilə çıxış edən Şimali Koreya lideri Putinə dəvətinə görə təşəkkür edib və iki lider 40 saniyə əl sıxıblar.

ABŞ-da da maraqla izlənilən görüşdə şimali koreyalı mühafizəçilərin bir hərəkəti daha çox diqqət çəkib. Kimin səfərinə yüksək təhlükəsizlik tədbirləri görən agentlər Şimali Koreya liderinin Putinlə görüşündə oturacağı kreslonu dəqiqələrlə siliblər.



Rusiyanın “Kommersant” qəzeti Şimali Koreya agentlərinin iclasdan əvvəl kürsüyə uzun müddət baxaraq, onu dezinfeksiyaedici ilə təmizləyərək hazır vəziyyətə gətirdiklərini yazıb.

Yayımlanan görüntülərdə Şimali Koreya rəsmilərinin uzun müddət stul qarşısında söhbət etdiyi, yoxlama apardığı, ağ əlcək geyinmiş bir şəxsin stulun hər yerini və hətta ətrafını dəqiqələrlə parça ilə təmizlədiyi görünür. Bu arada Kremlin təhlükəsizlik xidməti əməkdaşlarının heyrət içində olan şimali koreyalıları izləmələri diqqət çəkib.

“Kommersant”ın Kreml müxbiri Andrey Kolesnikov deyib: “Kreslo Şimali Koreya tərəfində böyük narahatlıq yaradıb. Bu, onlar üçün ölüm-dirim məsələsinə çevrilib”.

Bildirilir ki, onlarla cangüdəni ilə Rusiyaya gələn Kimin köməkçilərinin birinci kreslodan xoşu gəlmədikdə eyni kreslodan başqa biri də tapılıb.

Qeyd edək ki, Şimali Koreya lideri Kim Çen İnn 12 illik hakimiyyəti dövründə cəmi 7 dəfə xarici səfərdə olub.

ELÇİN




Bölməyə aid digər xəbərlər
{sape_links}{sape_article}