General Ukrayna üçün böyük problemə çevrilib
Tarix: 12-10-2023 12:12 | Bölmə: Dünya
General Ukrayna üçün böyük problemə çevrilib
Sergey Beseda

“Ukrayna qrafikdən geri qalır, ona görə də 2023-cü ildə müharibəni bitirmək şansı xeyli azalıb. Cəbhənin bütün sahələrində şiddətli döyüşlər gedir, eyni zamanda Müdafiə Qüvvələri bütün əraziləri işğaldan azad etmək üçün səylərini əsirgəmir”.

Reyting.az
xəbər verir ki, bunu Ukrayna Baş Kəşfiyyat İdarəsinin rəhbəri Kirill Budanov deyib.

Budanov ilin əvvəlində Ukraynanın 2023-cü ilin sonuna qədər müharibəni bitirə biləcəyini proqnozlaşdırsa da, indi bəyanatlarında daha diqqətli davranır.

Onun sözlərinə görə, döyüş meydanındakı vəziyyətə obyektiv və subyektiv səbəblər təsir edib, lakin bununla bağlı verilən izahatların əksəriyyəti dövlət sirri təşkil edir və ictimai müzakirə üçün deyil: “Ukrayna qrafikdən geri qalıb - biz geri qalmırıq, amma geridəyik. Bu, tamamilə fərqli bir şərhdir. Bu, “hər şeyin yolunda getmədiyi” demək deyil və hər kəs öz nəticəsini çıxarmalıdır”.


Kirill Budanov

Budanov əlavə edib ki, Cənubda hücum əməliyyatı davam edir, Baxmutun qaytarılması ilə bağlı da “güclü hadisələr” baş verir, şiddətli döyüşlər gedir. “Müdafiə qüvvələri yavaş-yavaş, addım-addım irəliləyir. İlin sonuna kimi Baxmutun işğaldan azad edilməsinin mümkün olacağına ümid edirəm”, - deyə Budanov bildirib.

Ukrayna hərbi kəşfiyyatının rəhbəri ölkəsi üçün ən arzuedilməz rus generalının adını da açıqlayıb: “Bu ali general bir müddət vəzifədən uzaqlaşdırılsa da, sonra geri qaytarılıb. Rusiya Federasiyası Federal Təhlükəsizlik Xidmətinin beşinci xidmətinə rəhbərlik edən Sergey Besedadır. O, Ukrayna üçün “çox problemli” generaldır. Bu general həmişə Ukraynaya problemlər gətirib”.

Baş Kəşfiyyat İdarəsinin rəhbəri qeyd edib ki, böyük müharibənin əvvəlində Beseda bir müddət vəzifəsindən uzaqlaşdırılıb, lakin sonra “hər şey yaxşılaşıb” və general vəzifəsinə qaytarılıb: “İndi o, təəssüf ki, heç də Ukraynanın xeyrinə deyil, öz işini görür. Ukrayna ərazisində aktiv əməliyyatlar aparır”.

Budanov aydınlaşdırıb ki, FTX mülki iş adamları, siyasətçilər və digərləri ilə işləməyə yönəlib.

Kirill Budanov Çeçenistan lideri Ramzan Kadırovla bağlı deyib ki, onun böyrəklərində problem var: “Çeçenistan lideri ölə bilərdi, amma sağ qaldı”.

ELÇİN




Bölməyə aid digər xəbərlər
27-02-2024, 10:15 Patruşev Kubaya gedib

{sape_links}{sape_article}