16:00 / 22-02-2024
Millimiz yenə uduzub
Putinin dostuna Ukrayna ilə Rusiya arasında vasitəçiliyə imkan verməyiblər
Tarix: 22-10-2023 16:24 | Bölmə: Dünya
Putinin dostuna Ukrayna ilə Rusiya arasında vasitəçiliyə imkan verməyiblər

Almaniyanın keçmiş kansleri və Rusiya prezidenti Vladimir Putinin dostu Gerhard Şröyder ABŞ-ın Ukrayna və Rusiya Federasiyası arasında sülh danışıqlarını tammiqyaslı işğalın başlanğıcında pozduğunu iddia edib. G. Şröyder deyib ki, Ukrayna hakimiyyəti onu belə danışıqlara vasitəçi kimi dəvət etsə də, digərləri buna imkan verməyib.

Reyting.az
-ın xəbərinə görə, sabiq kansler bu barədə “Berliner Zeitung” qəzetinə müsahibəsində bildirib.

“2022-ci ildə mən Ukraynadan Rusiya ilə Ukrayna arasında vasitəçi ola biləcəyimlə bağlı sorğu aldım. Sual ondan ibarət idi ki, mən Putinə mesaj çatdıra biləcəmmi?”, - keçmiş kansler deyib.

Bundan əlavə, Şröyder o vaxt müzakirə olunduğu iddia edilən “sülh planı”nın beş bəndindən danışıb. Bunlar aşğıdakılardır:

1) Ukraynanın “ikidilli” olması

2) NATO üzvlüyündən imtina

3) Donbassın “muxtariyyəti”

4) Ukrayna üçün “təhlükəsizlik zəmanətləri”

5) Krımın statusu ilə bağlı danışıqlar.

Sabiq kansler əlavə edib ki, Ukraynadakı müharibəni yalnız amerikalılar həll edə bilər: “2022-ci ilin martında İstanbulda Rüstəm Umerovun başçılıq etdiyi sülh danışıqlarında ukraynalılar sülhə razı olmadılar, çünki onlara icazə verilmədi. Amerikalılar hər şey haqqında dediklərindən daha çox danışırlar”.

Daha sonra Şröyder Umerovla, eləcə də Putinlə danışdığını bildirib: “Amma danışıq nəticəsiz qaldı, çünki hər şeyə Vaşinqtonda qərar verilib. Bu, ölümcül oldu. Çünki nəticə indi Rusiya Federasiyasının Çinlə daha sıx əlaqədə olması olacaq, Qərb bunu istəməməlidir”.

Öz vədlərinə zidd olaraq Ukraynaya hücum edən Rusiya ilə razılaşmalara etibar etmək olarmı,- sualına keçmiş kansler belə cavab verib: “Qərbi Avropa təhlükədə deyil, çünki Kreml NATO-nu məğlub edə bilməyəcək”.

Şröyder qeyd edib ki, NATO postsovet ölkələrinə - Gürcüstan və Ukraynaya genişlənmək istəyir, lakin Rusiyanın başında duran heç kim buna imkan verməyəcək: “Təhlükənin bu təhlili emosional ola bilər, lakin Rusiya üçün realdır. Qərb bunu anlamalı və buna uyğun kompromislər etməlidir, əks halda sülhə nail olmaq çətin olacaq”.

Qeyd edək ki, Şröyder Putinin dostu hesab olunur və o, həm də Rusiyanın enerji şirkətlərində işləyir.

E. KAMAL




Bölməyə aid digər xəbərlər
{sape_links}{sape_article}