17:38 / 28-03-2024
Əməkdar artist vəfat edib
ABŞ Əfqanıstandakı hərbi kontingentini azaldacaq
Tarix: 03-01-2019 12:06 | Bölmə: Dünya
ABŞ Əfqanıstandakı hərbi kontingentini azaldacaq

ABŞ Əfqanıstandakı hərbi kontingentini iki dəfə azaltmağı planlaşdırır, lakin "Taliban” hərəkatına qarşı reydlər keçirmək üçün xüsusi təyinatlı qoşunların zərbə qruplarını ölkədə saxlamaq niyyətindədir.

TASS informasiya agentliyi xəbər verir ki, Pentaqonda olan mənbənin məlumatına əsasən, Əfqanıstandakı ABŞ və NATO qoşunlarının komandanı general-leytenant Skott Miller 8-12 ay müddətində 7 min amerikalı hərbçini geri qaytarmaq niyyətindədir.

Dekabrın sonlarında "The Wall Street Journal” qəzeti ABŞ Prezidenti Donald Trampın Əfqanıstandakı qoşunların yarısını ölkədən çıxarmaq planını hazırlamaq barədə tapşırıq verdiyini yazmışdı. Sonradan Ağ evin Milli Təhlükəsizlik Şurasının mətbuat xidməti bu məlumatı təkzib etmişdi.

Rəsmi məlumata əsasən, hazırda Əfqanıstanda 14 min amerikalı hərbçi fəaliyyət göstərir. Onlar taliblərə qarşı əməliyyatlar təşkil edir və hərbçilərin təlimi ilə məşğul olur. Bundan əlavə, Əfqanıstanda NATO ölkələrinin 16 minlik hərbi kontingenti də dislokasiya olunub.

Xatırladaq ki, Əfqanıstanda 2015-ci il yanvarın 1-dən NATO-nun "Qətiyyətli dəstək” adlı qeyri-döyüş missiyası başlayıb. Əsasən Əfqanıstanın güc strukturlarının təlimi ilə məşğul olan missiya təhlükəsizliyin təmin edilməsi üzrə ABŞ, NATO və terror əleyhinə beynəlxalq qüvvələrin komandanlığı altında keçirilən hərbi əməliyyatları əvəzləyib.(Azərtac)




Bölməyə aid digər xəbərlər
{sape_links}{sape_article}