Beyrutdakı partlayışın arxasında siyasi məqsədlər gizlənib?
Tarix: 05-08-2020 09:33 | Bölmə: Dünya
Beyrutdakı partlayışın arxasında siyasi məqsədlər gizlənib?

Beyrutdakı partlayışın mahiyyətindən asılı olmayaraq, təxmin edildiyi kimi, ABŞ-İsrail- Səudiyyə üçlüyü baş vermiş hadisədən Hizbullah-a qarşı maksimum yararlanmağa çalışır.

Reyting.az
xəbər verir ki, bunu şərqşünas-alim Samid Bağırov bildirib.

S. Bağırov əlavə edib ki, partlayış baş verəndən Səudiyyə mediası Beyrut limanı anbarlarındakı nitrat maddəsinin Hizbullah-a məxsus olduğunu, partlayış mənbəyinin onun silah anbarlarına yaxınlığını, Livanda belə bir maddəyə yalnız Hizbullah-ın ehtiyacı olduğunu və s. ehtimallar üzərində manevrələr etməyə başlayıb:

"Eyni zamanda ABŞ prezidenti Donald Trampın partlayış barədə “hücum” ifadəsini işlətməsi də diqqət çəkib. Dövlət katibi Mayk Pompeo isə Livanın hazırki Baş nazirinə deyil, tərəfdaşı, sabiq Baş nazir Səd əl-Həririyə zəng edərək, yardım təklif edib”.

Şərqşünas-alim qeyd edib ki, Pompeonun əvvəlcə hazırki Baş nazirlə deyil, sabiq Baş nazirlə əlaqə saxlaması gözlənilən idi: “Çünki Livanda hazırda Hizbullah nümayəndələrini də özündə ehtiva edən hökumət rəsmi Vaşinqtonun ürəyincə deyil. Aylardır ki, hazırki hökumətə Hizbullahı siyasi səhnədən kənarlaşdırmaq üçün olmazın təzyiqləri göstərilir. Bu təzyiqlərdən biri də ciddi iqtisadi böhran yaşayan Livana beynəlxalq təşkilatlardan kreditlərin verilməsinin qarşısını almaqdır".

S. Abbasov diqqəti partlayışa çəkərək bildirib ki, Suriya və Livanda səbəbi bəlli olmayan əksər partlayışlarda birbaşa ittiham edilənlərdən biri İsrail olub: "İsrail Suriyanın Colan, Livanın isə Məzare-Şəba bölgəsini işğalda saxlayır. Bundan savayı, hava qüvvələri olmayan Livan səmasında İsrailin təyyarə və PUA-ları gündəlik kəşfiyyat uçuşları həyata keçirir. Bir sözlə, Livan səmadan İsrailin nəzarətindədir. Ona görə də, həmişə olduğu kimi, son partlayışda da ictimai fikir İsrailə istiqamətləndiyi halda, yuxarıda deyilən üçlük (ABŞ-İsrail-Səudiyyə) hadisənin məcrasını başqa istiqamətə yönəltmək üçün ciddi canfəşanlıq edir”.

S. Abbasovun sözlərinə görə, partlayışın dəqiq səbəbini və ya amilini bilmək üçün biraz da vaxt lazım olacaq: “Baxmayaraq ki, partlayışın miqyası misli görünməmiş dərəcədə böyükdür və təxribata da bənzəyir. Lakin onun sırf qəza olması, təbii şəkildə baş verməsi, anbarlara yükləmədə səhlənkarlığa və ya ehtiyatsızlığa yol verilməsi kimi ehtimallar da nəzərdən qaçırılmamalıdır”.

Şərqşünas-alim diqqətə çatdırıb ki, belə hadisələri kiber hücumla da həyata keçirmək mümkündür. Belə olan halda sözügedən üçlüyün məsələni başqa məcraya yönəltmək cəhdi şübhələrə yol açır.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}