Agentlik rəhbərini korrupsiyada ittiham edirlər - Tender qalmaqalı
Tarix: 18-07-2019 10:08 | Bölmə: Siyasət
Agentlik rəhbərini korrupsiyada ittiham edirlər

Azərbaycan Qida Təhlükəsizliyi Agentliyinin rəhbəri Qoşqar Təhməzli ilə bağlı ciddi faktlar üzə çıxır. Agentliyin rəhbəri təyin edilməzdən əvvəl bizneslə məşğul olan Qoşqar Təhməzlinin dövlət qurumuna rəhbərlik etməklə yanaşı biznes fəlayyətini də davam etdirdiyi iddia olunur.

Reyting.az
“Yeni Sabah”-a istinadla xəbər verir ki, Q. Təhməzlinin dövlət rəsmisi olaraq büdcədən öz təsisçisi olduğu şirkətə - yəni özünə pul qazandırmaq fəaliyyəti ilə bağlı maraqlı rəqəm açıqlanıb.

İqtisadçı araşdırmaçı Hafiz Babalı bildirib ki, Qida Təhlükəsizliyi Agentliyi “Medeks” MMC-dən son 7 ay ərzində 336,8 min manat dəyərində malları (baytarlıq, fitosanitar və qida təhlükəsizliyi müfəttişləri üçün ləvazimatlar; laborator sərf materialları) satın alıb. Və bütün bunlar tender yolu ilə həyata keçirilib.

Məlumata görə, Agentliyin rəhbəri Qoşqar Təhməzli həm də “Medeks” MMC-nin iki təsisçisindən biridir və o, uzun illər bu şirkətin direktoru olub. Hətta o, bir neçə il əvvəl şirkət rəhbəri olaraq “Ən yaxşı top-menecer” adına da layiq görülüb.

İqtisadçı ekspert Natiq Cəfərli isə son zamanlar yaradılmış Qida Təhlükəsizliyi Agentliyini mənasız qurumlardan biri sayır. Onun sözlərinə görə, normal ölkələrdə həmin Agentliyin funksiyasını məhkəmələr yerinə yeririr.

“Bizim hökumət hələ də qavraya bilmir ki, ən yaxşı nəzarətçi - alıcıdır, müştəridir. Əgər normal məhkəmə sistemi olsa, müştəri aldığı keyfiyyətsiz, vaxtı keçmiş, sağlamlığa təhlükə yaradan məhsula görə satıcını məhkəməyə verib böyük məbləğdə kompensasiya alar, bu hal rutinləşsə heç bir istehsalçı, satıcı keyfiyyətsiz mal satmaz”.

N. Cəfərli Qida Təhlükəsizliyi Agentliyinin rəhbəri Qoşqar Təhməzlinin özü elan etdiyi tenderlərdə öz şirkətini qalib elan etməsinə də münasibət bildirib:

“Agentlik 12 İyul 2019-cu il tarixində "Medeks" MMC ilə müqavilə imzalayıb. Müqavilənin məbləği 43 min 208 manatdır.

Həmçinin iyulun 7-də Azərbaycan Qida Təhlükəsizliyi İnstitutu laboratoriyaları üçün ləvazimatların satın alınması üçün "Medeks" MMC ilə 599 min 749 manatlıq başqa müqavilə də imzalayıb.

Qoşqar Təhməzli 2008 - 2016- cı illərdə “Medeks” MMC-də baş direktor vəzifələrində çalışıb, indi də şirkətin Qoşqar Təhməzliyə məxsus olduğu bilinir.

Yəni adam dövlətin təsis etdiyi Agentliyin rəhbəri kimi dövlətin büdcəsindən ayrılan pulla öz şirkətindən avadanlıq alır. Bunun adı korrupsiya, etik qaydaların pozulması, maraqlar konflikti deyilsə, bəs nədir?”.скачать dle 10.5фильмы бесплатно




Bölməyə aid digər xəbərlər
{sape_links}{sape_article}