Keçmiş deputat həm utanır, həm də xəcalət çəkir
Tarix: 01-11-2019 11:25 | Bölmə: Siyasət / Xəbər lenti
Keçmiş deputat həm utanır, həm də xəcalət çəkir

“Yevgeni Primakov söhbəti dünəndən gündəmi zəbt edib. Qəzetlər və sosial şəbəkələrdə Bakı Slavyan Universitetinin rektoru Nurlana Əliyevanı tənqid və təhqir edirlər”.

Reyting.az
xəbər verir ki, bu sözləri YAP Siyasi Şurasının üzvü, sabiq deputat Musa Musayev özünün Feysbuk səhifəsində yazıb.

Hakim partiyanın nümayəndəsi SSRİ xarici işlər naziri vəzifəsini tutmuş və 20 yanvar 1990-cı ildə Bakıya qoşun yeridilməsində açar rollardan birini oynamış Yevgeni Primakovla bağlı Slavyan Universitetində keçirilən müsabiqədən narazı qalan insanların sosial şəbəkədə rektor Nurlana Əliyevanı tənqid etməsi faktını şərh edib.

Sabiq deputat bildirib ki, şəxsən özü YAP-ın yaradıcılarından biri və partiyanın Siyasi Şurasının üzvü olaraq həm utanır, həm də xəcalət çəkir: “Çünki Nurlana xanım 100 minlərlə üzvü olan YAP Qadınlar Şurasının sədri və partiyanın İdarə Heyətinin üzvüdür. Bu tənqid və təhqirləri mən YAP-a yönəlmiş kimi qəbul edirəm. Mən YAP İcra katibliyindən və İdarə Heyətindən xahiş edirəm ki, bu vacib məsələni araşdırıb məlumat versin. Bilək ki, bu tədbirin təşkilatçısı və təşəbbüskarı kimdir”.

Musayev eyni zamanda sosial şəbəkə üzvlərindən xahiş də edib: “Tənqid və təhqiri səhv salmaq olmaz. Nurlana xanım həm anadr, həm nənədir, eyni zamanda Azərbaycan xanımıdır. Gəlin tələsməyək, səbirli olaq. Axı biz azərbaycanlıyıq”.

Hakim partiyanın qurucularından olan Musa Musayev xatırladıb ki, şəxsən onun özü bir aya yaxındır ki, YAP-da islahatların aparılması təşəbbüsü ilə çıxış edir: “Bir daha deyirəm ki, YAP-ın mərkəzi aparatında, rəhbər strukturlarında, rayon şöbələrində, o cümlədən YAP-ın Qadınlar Şurasında köklü islahatlar aparılmalıdır”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}