12:10 / 25-06-2022
Sabah yağışlı hava olacaq
Məktəb direktoru vəzifəsinə işə qəbul başlayır
Tarix: 23-06-2022 10:52 | Bölmə: Cəmiyyət / Xəbər lenti
Məktəb direktoru vəzifəsinə işə qəbul başlayır

Şagird sayı 500-dək və direktor vəzifəsi vakant olan ümumi təhsil müəssisələrinə işə qəbul prosesinə start verilir. Bunun üçün iyunun 24-dən sənəd qəbuluna başlanılır.

Təhsil Nazirliyindən Reyting.az-a bildiriblər ki, müraciət etmək istəyən şəxslər zəruri sənədləri (kadrlar uçotunun şəxsi vərəqəsi, şəxsiyyəti təsdiq edən sənədin, təhsil haqqında sənədin və ona əlavənin, əmək kitabçasının surəti) çalışdıqları ümumi təhsil müəssisəsinin tabe olduğu Regional təhsil idarəsinə təqdim edə bilərlər.

Şagird sayı 150-dək olan ümumi təhsil müəssisələrinə direktor vəzifəsinə işə qəbul yalnız müsahibə yolu ilə, şagird sayı 151-500 aralığında olan ümumi təhsil müəssisələrinə direktor vəzifəsinə işə qəbul müsabiqə (test və müsahibə) yolu ilə Regional təhsil idarələri tərəfindən həyata keçiriləcək.

Qeyd edək ki, ötən il üzrə direktorların işə qəbulu üzrə test imtahanlarında müvafiq keçid balı toplamış, lakin müsahibəyə dəvət olunmamış namizədlər müvafiq prosesdə yalnız müsahibə mərhələsində iştirak edəcəklər.




Bölməyə aid digər xəbərlər
{sape_links}{sape_article}