18:09 / 11-04-2024
Bakıda qətl törədilib
Rusiya və Çin Trampdan böyük fayda əldə etmək istəyir
Tarix: 02-04-2024 17:40 | Bölmə: Dünya
Rusiya və Çin Trampdan böyük fayda əldə etmək istəyir

Amerikanın ən böyük rəqibləri - Çin və Rusiya 2024-cü ildə ABŞ-da keçiriləcək prezident seçkilərində Donald Trampın qalib gəlməsini istəyir.

Reyting.az
xəbər verir ki, belə iddia ilə “Nev York Times” çıxış edib.

Nəşr yazır ki, Rusiya prezidenti Putinin sabiq prezident Trampa üstünlük verməsinin səbəbləri göz qabağındadır: Co Bayden Rusiyanın Ukraynaya müdaxiləsinə qarşı çıxan beynəlxalq koalisiyaya rəhbərlik etdiyi halda, Tramp Ukraynaya dəstəyi dayandırmağı təklif edib.

Çinin Trampa üstünlük verməsinin səbəblərinə gəlincə, bu, o qədər də aydın deyil, çünki Tramp Çinə qarşı çox döyüşkən mövqe tutur.

Bildirilir ki, Pekin həm Baydendən, həm də Trampdan narazı görünür. Lakin Çin liderlərinin Trampın ikinci prezidentlik müddətindən faydalana biləcəyi bir yol var - onun ABŞ-ın qlobal siyasətə qarışmasına münasibəti.

“Bəli, Bayden dünyanın avtokratiya ilə demokratiya arasında mübarizənin ortasında olduğunu düşünür. Rusiyanın Ukraynada və Çinin Tayvanda etdiyi kimi, avtokratik qonşu hücum etdiyi zaman ABŞ-ı demokratiyanı müdafiə etmək üçün “vacib bir millət” kimi görür. Amma Tramp bu məsələlərə az maraq göstərir. O, “Öncə Amerika!” şüarını dəstəkləyən təcridçidir. Tramp ABŞ-ın beynəlxalq münaqişələrdən qaçmasına üstünlük verir, müqavilə və ittifaqlara şübhə ilə yanaşır”,- nəşr qeyd edir.

Məlumata görə, Rusiya və Çin liderləri hesab edirlər ki, güclü dövlətlər öz regionlarına nəzarət edə bilməlidirlər. Qəzet yazır ki, Moskva və Pekin üçün Tramp kimi inanclara sadiq olan Amerika prezidentinin üstünlükləri çox böyükdür.

Trampın yeni prezidentlik müddətinin Çin və Rusiya üçün ikinci böyük faydası ABŞ-da yarana biləcək daxili xaosdur. Trampın əvvəlki Amerika prezidentlərindən fərqli idarəçiliyə malik olduğunu bildirən nəşr iddia edir ki, onun hökuməti nizamsız və mövqeləri tez dəyişə bilən təsiri bağışlayıb - Trampın ikinci dövründə problemlər daha da pisləşə bilər. Tramp hökumətin səlahiyyətlərindən siyasi rəqiblərini araşdırmaq və potensial olaraq həbs etmək üçün istifadə edəcəyinə söz verib.

“ABŞ-dakı siyasi xaos digər ölkələrə qlobal təsirlərini artırmağa imkan verə bilər”,- deyə nəşr əlavə edib.

E. KAMAL




Bölməyə aid digər xəbərlər
{sape_links}{sape_article}