21:05 / 12-07-2024
AFFA yeni qərarlar verib
Putinin Vyetnam səfəri riskli və məcburidir
Tarix: 20-06-2024 16:48 | Bölmə: Dünya
Putinin Vyetnam səfəri riskli və məcburidir

ABŞ Rusiyanı Ukraynaya müdaxiləyə görə tənqid etsə də, Vyetnam prezident Vladimir Putini rəsmi səfərdə qarşılayıb və Moskva ilə uzunmüddətli əlaqələrini vurğulayıb.

Reyting.az
xəbər verir ki, bu barədə “Time” nəşri yazıb.

“Səfər nümayiş etdirir ki, Vyetnam öz xarici siyasətini müstəqillik, özünəinam, diversifikasiya və çoxtərəflilik ruhunda fəal şəkildə həyata keçirir”, - Vyetnam hökumətinin saytında yerləşdirilən bəyanatda deyilir.

Vyetnam və Rusiya onilliklər ərzində Sovet İttifaqı ilə bağlıdır. Hanoy, sonuncu dəfə 2017-ci ildə Asiya-Sakit Okean İqtisadi Əməkdaşlıq Təşkilatının sammiti üçün Vyetnama səfər edən Rusiya prezidenti Putinə qarşı Qərbin tənqidlərini rədd edib.

ABŞ-nın Hanoydakı səfirliyi bəyanatında bildirib ki, “heç bir ölkə Putinə onun təcavüzkar müharibəsini təbliğ etmək üçün platforma verməməli və ya başqa yolla onun vəhşiliklərini normallaşdırmağa imkan yaratmamalıdır”.

Qeyd edək ki, Vyetnamda prezident Putinin Ho Şi Minin məqbərəsinə əklil qoyma mərasimində iştirak edəcəyi və Kommunist Partiyasının sədri Nquyen Phu Trong və prezident To Lam da daxil olmaqla rəsmilərlə görüşəcəyi gözlənilir.

“Ölkə uzun müddətdir ki, silah, o cümlədən təyyarə və sualtı qayıqlar üçün Rusiyaya güvənib. Lakin 2022-ci ilin fevralında Rusiyanın Ukraynaya müdaxiləsindən sonra Vyetnam Qərbin sanksiyalarından narahat olduğu üçün Rusiya silahlarını almaqdan imtina edib”, - “Times” xatırladıb.

Bildirilir ki, Rusiya Vyetnamın əsas ticarət tərəfdaşı olmasa da, Moskva Pekin və Vaşinqtona əks çəki kimi görünür.

Asiya-Sakit Okean Təhlükəsizlik Tədqiqatları Mərkəzinin Asiya üzrə eksperti Aleksandr Vuvinq deyib ki, ABŞ Hanoy tərəfindən ideoloji “düşmən” kimi görünür. Mütəxəssis deyir ki, Putini qəbul etmək Vyetnam rəsmiləri üçün “riskli” olsa da, onlar riskə getməli və Rusiyaya sadiq qalmalı olacaqlar.

ELÇİN




Bölməyə aid digər xəbərlər
{sape_links}{sape_article}