Aksiyaçıların tələbi: Prezident Çin səfərini ləğv etsin
Tarix: 03-09-2019 20:02 | Bölmə: Dünya
Aksiyaçıların tələbi: Prezident Çin səfərini ləğv etsin

Qazaxıstan prezidenti Kasım-Comart Tokayev sentyabrın 11-ə nəzərdə tutulmuş Çin səfərini ləğv edə bilər.

Reyting.az
“bne İntellinews”-a istinadla xəbər verir ki, ölkənin cənub-qərbində başlamış etiraz aksiyaları Tokayevi buna məcbur edə bilər.

66 yaşlı prezident gələcək seçkilərin "çoxpartiyalı sistemə" yol açmasına çağırıb və deyib ki, hakimiyyət vətəndaşlara dinc etiraz aksiyaları keçirməyə və fikirlərini sərbəst ifadə etməyə icazə verməlidir. "Dinc aksiyaların məqsədi qanunu pozmamaq və digər vətəndaşları narahat etmək deyilsə, bu cür aksiyaların təşkilinə icazə verilməli və şəhərətrafı ərazilərdə olmamalı olan bu cür tədbirlər üçün xüsusi yerlər müəyyənləşdirilməlidir".

Tokayev qeyd edib ki, konstitusiyaya zidd hərəkətlərə və xuliqanlığa çağırışların qarşısı qanuni yolla alınacaq.

Prezidenti bu açıqlamaları verməyə vadar edən sentyabrın 2-də Qazaxıstanın cənub-qərbində yerləşən Janaozen şəhərində 100-ə yaxın etirazçının toplaşmasıdır. Onlar hökuməti Çindən kredit alması, Çinin köməyi ilə 55 sənaye obyektinin inşasına dair rəsmi planı və Tokayevin Çinə səfərini ləğv etməsi tələbini irəli sürüb.

Aksiya iştirakçıları yalnız Mangistau vilayətinin qubernatoru Serikbay Turımovun onlarla görüşmək üçün regional paytaxt Aktauya gəlməyi vəd edildikdən sonra dağılışmağa razı olublar. Janaozen Bələdiyyə sədrinin müavini Amanghali Nurdauletov, meriyanın qarşısındakı etirazçılarla danışmağa çalışsa da, onlar qubernatoru tələb ediblər.

Janaozen 2011-ci ilin dekabr ayında Qazaxıstan hakimiyyətinin neftçilərin etirazlarını şiddətli şəkildə dağıtdığı bir şəhər olaraq tanınır. O zaman polis nümayişçilərə atəş açıb, 16 nəfər ölüb və 100-lərlə adam yaralanıb.




Bölməyə aid digər xəbərlər
{sape_links}{sape_article}