17:38 / 28-03-2024
Əməkdar artist vəfat edib
Ukraynada Rusiyayönlü 12 siyasi patiyanın fəaliyyəti dayandırılıb
Tarix: 22-10-2022 17:52 | Bölmə: Dünya
Ukraynada Rusiyayönlü 12 siyasi patiyanın fəaliyyəti dayandırılıb

Ukraynada Rusiyayönlü 12 siyasi patiyanın fəaliyyəti tamamilə dayandırılıb.

Bu barədə Ukrayna Təhlükəsizlik Xidməti (UTX) məlumat yayıb.

Bildirilib ki, onların arasında Kommunist, “Müxalifət bloku”, “Sosialistlər”, “Ədalət və İnkişaf”, “Bizimkilər”, “Vladimir Saldo bloku”, “Sol qüvvələr ittifaqı”, “Sol müxalifəti” partiyaları da var.

UTX qeyd edib ki, istintaq-əməliyyat tədbirləri nəticəsində bu siyasi qüvvələrin nümayəndələrinin Ukraynanın Rusiya tərəfindən ilhaq olunmuş ərazilərində işğal rejiminin yaradılmasında, saxta “referendum”ların təşkili və keçirilməsində birbaşa iştirakları sübut olunub.

Qeyd edək ki, Rusiya ilə Ukrayna arasında genişmiqyaslı müharibə 2022-ci il fevralın 24-də başlayıb.

Sentyabrın 23-27-də Ukraynanın Rusiya işğalı altında olan Donetsk, Luqansk, Xerson və Zaporojye vilayətlərində “referendum” keçirilib. Vətəndaşlar Rusiyanın tərkibinə daxil olmağa razı olub-olmadıqları barədə suala cavab veriblər. Elan olunan nəticələrə görə “referendum”da iştirak edənlərin böyük əksəriyyəti həmin vilayətlərin Rusiyaya birləşdirilməsini dəstəkləyib.

Rəsmi Kiyev, beynəlxalq təşkilatlar və dünyanın heç bir ölkəsi “referendum”ların nəticəsini tanımayıb.

Sentyabrın 30-da Rusiya prezidenti Vladimir Putin Zaporojye və Xerson vilayətlərinin "suverenliyi"nin və "müstəqilliyi"nin tanınması haqqında fərman imzalayıb.

Həmin gün Ukraynanın dörd separatçı bölgəsinin Rusiyaya birləşdirilməsi barədə sazişlər imzalanıb. Mərasim Moskvada Böyük Kreml sarayının Georgiyevsk zalında keçirilib.

Sazişləri Rusiya prezidenti Vladimir Putin, separatçı “Donetsk Xalq Respublikası”nın, “Luqansk Xalq Respublikası”nın, Xerson və Zaporojye vilayətlərinin rəhbərləri imzalayıblar.

Rusiya Dövlət Duması və Federasiya Şurasının ratifikasiyasından sonra oktyabrın 5-də V.Putin sazişləri təsdiqləyib/Report.




Bölməyə aid digər xəbərlər
{sape_links}{sape_article}