Professor: “Qarabağda düşmənə zərbə endirməliyik”
Tarix: 16-07-2020 15:56 | Bölmə: Xəbər lenti
Professor: “Qarabağda düşmənə zərbə endirməliyik”

“Ermənistan ordusunun Azərbaycanın dövlət sərhəddində təxribata əl atması və layiqli cavab almasından sonra diqqəti çəkən maraqlı məqamlardan biri də azərbaycanlı gənclərin Bakı, Sumqayıt və digər şəhərlərin küçələrinə çıxaraq orduya dəstək aksiyası keçirməsi oldu. Gənclər müəyyən yürüşlər etdilər, şüarlar səsləndirdilər. Ancaq təəssüflər olsun ki, hökumət bu kimi hallara alışmadığı üçün səhvə yol verdi. Gərək bir neçə tanınmış ziyalı, millət vəkili, hörmətli şəxslər gənclərin qarşısına çıxaydı. Məsələn, mən deyən heyətdə 5-6 nəfər tribunaya çıxaraq gənclərə təşəkkür edib, evlərinə qayıtmağın lazım olduğunu, karantin rejiminin davam etdiyini demək lazım idi. Amma bunu edən olmadı və bundan istifadə edən müəyyən qruplar, “Beşinci kolon” təxribat edərək parlament binasına girdilər. İnsanları ora aparanlar, bu təxribatı törədənlərin qarşısı alınmalı idi. Yəni bu təxribatı törətmək, polis avtomobilinə daş atmaq, parlament binasına girib dağıntılar etmək gözəl işlərə kölgə salmaqdır”.

Bu fikirləri Reyting.az-a keçmiş təhsil naziri, profssor Firudin Cəlilov iyulun 15-də gecə saatlarında Bakıda insanların küçələrə çıxaraq Azərbaycan Silahlı Qüvvələrinə dəstək nümayiş etdirməsindən danışarkən deyib.

Sabiq nazir əlavə edib ki, Ermənistan ordusunun Azərbaycanın dövlət sərhəddində törətdiyi təxribatın qarşısı alınıb və bu zaman Azərbaycanın tək olmadığı ortaya çıxıb: “Biz gördük ki, Türkiyənin prezidenti, Xarici işlər naziri, Müdafiə naziri və digər rəsmi şəxslər açıq mesajlar verdilər ki, Azərbaycanın yanındayıq. Açığı, bu, ermənilərin canına qorxu salıb. Sözsüz ki, bu müsbət hadisədir. Qardaşın qardaşa dəstəyinin sübutudur. Sözsüz ki, biz də ən ağır günlərdə Türkiyənin yanındayıq.

Eləcə də, digər bir neçə ölkə Azərbaycanın maraqlarına uyğun bəyanatla çıxış edib. Ukraynanın verdiyi bəyanat Ermənistanın xoşuna gəlməyib.

Pakistan da hər zaman olduğu kimi ortaya ədalətli mövqe qoyub. Bunlar olduqca müsbət hadisədir”.

F. Cəlilov sonda əlavə edib ki, hazırda Tovuz istiqamətində atışma davam edir:

“Qəhrəman Azərbaycan əsgəri indi də Ermənistanın təxribat və təcavüz aktının qarşısını alır. Madam ki, ermənilər Azərbaycan-Ermənistan dövlət sərhədində belə təxribatlara gedir, biz də Qarabağda düşmənə zərbə endirməliyik”.

Reyting.azскачать dle 10.5фильмы бесплатно




Bölməyə aid digər xəbərlər
Bu gün, 13:19 Sabah yağış yağacaq

bütün xəbərlər
{sape_links}{sape_article}