AMEA-nın yeni strukturu təsdiqlənib - Siyahı
Tarix: 30-09-2022 16:24 | Bölmə: Cəmiyyət / Xəbər lenti
AMEA-nın yeni strukturu təsdiqlənib

Azərbaycan Milli Elmlər Akademiyasının (AMEA) yeni strukturu təsdiq edilib.

Reyting.az
-ın xəbərinə görə, bu barədə Nazirlər Kabinetindən bildiriblər.

Qeyd olunub ki, bununla bağlı Azərbaycan prezidentinin “Azərbaycan Respublikasında elm və təhsil sahəsində idarəetmənin təkmilləşdirilməsi ilə bağlı bəzi tədbirlər haqqında” 2022-ci il 28 iyul tarixli 1769 nömrəli Fərmanının 6.3-cü bəndinin icrasını təmin etmək məqsədilə qərar hazırlanıb.

Qərara əsasən, AMEA-nın yeni strukturunda 22 elmi müəssisə fəaliyyət göstərəcəkdir.

AMEA işçilərinin say həddi isə 3 510 nəfər müəyyənləşdirilib.

Ümumilikdə AMEA-nın idarəedilməsi və maliyyə məsrəfləri optimallaşdırılıb.

Qeyd edək ki, AMEA-nın yeni strukturu belədir:

1. Azərbaycan Milli Elmlər Akademiyası Rəyasət Heyətinin Aparatı.

2. Azərbaycan Milli Elmlər Akademiyasının elmi müəssisələri:

2.1. Respublika Seysmoloji Xidmət Mərkəzi;

2.2. Abbasqulu Ağa Bakıxanov adına Tarix İnstitutu;

2.3. Arxeologiya, Etnoqrafiya və Antropologiya İnstitutu;

2.4. Akademik Ziya Bünyadov adına Şərqşünaslıq İnstitutu;

2.5. Fəlsəfə və Sosiologiya İnstitutu;

2.6. Nizami Gəncəvi adına Ədəbiyyat İnstitutu;

2.7. Nəsimi adına Dilçilik İnstitutu;

2.8. Memarlıq və İncəsənət İnstitutu;

2.9. Məhəmməd Füzuli adına Əlyazmalar İnstitutu;

2.10. Folklor İnstitutu;

2.11. Qafqazşünaslıq İnstitutu;

2.12. “Azərbaycan Milli Ensiklopediyası” Elmi Mərkəzi;

2.13. Lənkəran Regional Elmi Mərkəzi;

2.14. Şəki Regional Elmi Mərkəzi;

2.15. Mərkəzi Elmi Kitabxana;

2.16. “Elm” Nəşriyyatı.

3. Naxçıvan bölməsinin Aparatı.

4. Naxçıvan bölməsinin tabeliyində olan elmi müəssisələr:

4.1. Tarix, Etnoqrafiya və Arxeologiya İnstitutu;

4.2. İncəsənət, Dil və Ədəbiyyat İnstitutu;

4.3. Əlyazmalar Fondu.

5. Gəncə bölməsinin Aparatı.

6. Gəncə bölməsinin tabeliyində olan elmi müəssisələr:

6.1. Humanitar Tədqiqatlar İnstitutu;

6.2. Diyarşünaslıq İnstitutu;

6.3. Nizami Gəncəvi Mərkəzi.




Bölməyə aid digər xəbərlər
{sape_links}{sape_article}