18:09 / 11-04-2024
Bakıda qətl törədilib
Ukrayna kəşfiyyatı Tatarıstanı hədəfə alıb - Foto
Tarix: 02-04-2024 15:38 | Bölmə: Dünya
Ukrayna kəşfiyyatı Tatarıstanı hədəfə alıb

Rusiya Federasiyasının Tatarıstan Respublikasındakı neft emalı zavoduna hücum Ukrayna Təhlükəsizlik Xidməti (SBU) ilə Ukrayna Müdafiə Nazirliyinin Baş Kəşfiyyat İdarəsi (GUR) arasında birgə əməliyyat olub.

Reyting.az
xəbər verir ki, bunu Ukrayna mediası özəl mənbələrinə əsasən yazıb.

Mənbələr bildirir ki, Ukraynaya məxsus uzaqmənzilli pilotsuz uçan aparat Nijnekamskdakı neft emalı zavodunun ilkin neft emalı blokunu vurub, bundan sonra orada yanğın başlayıb. Bu qurğunun gücü 8 milyon ton neft təşkil edirdi ki, bu da Rusiya Federasiyasının illik ümumi emalının 2,6 faizini təşkil edir. Bundan əlavə, bu zavod Rusiyanın 5 ən böyük neft emalı zavodundan biridir.

Ukraynalı mənbə qeyd edib ki, Rusiyanın Ukraynaya qarşı müharibəsini maliyyələşdirməyin qarşısını almaq üçün sistemli iş davam edir: “Rusiya hərbi büdcəsinə neft dollarlarının axınını minimuma endirmək üçün neft tədarükünü dayandırmağa davam edəcəyik”.



Qeyd edək ki, bundan əvvəl mətbuat Ukraynadan minlərlə kilometr aralıda yerləşən pilotsuz təyyarələrin yığıldığı zavodun da hücuma məruz qalması barədə məlumat yayıb. Xüsusilə, rusların “Geran-2” adlandırdıqları “Şahed” tipli kamikadze pilotsuz təyyarələrin yığıldığı zavoda hücum olub. Zərbə nəticəsində istehsalat obyektlərində xeyli dağıntının olduğu bildirilir.

Eyni zamanda, Rusiya Federasiyası Nijnekamsk və Yelabuqada yerləşən müəssisələrə hücum edildiyini, lakin texnoloji prosesin pozulmadığını deyilir.

E. KAMAL




Bölməyə aid digər xəbərlər
{sape_links}{sape_article}