21:05 / 12-07-2024
AFFA yeni qərarlar verib
İnstitutun şöbə müdiri istefa verib: “Mafiya qalib gəldi..."
Tarix: 20-06-2024 16:30 | Bölmə: Xəbərlər
İnstitutun şöbə müdiri istefa verib: “Mafiya qalib gəldi..."

Təhsil İnstitutunun şöbə müdiri, filologiya üzrə fəlsəfə doktoru Könül Aydın (Nəhmətova) istefa verib.

Reyting.az
xəbər verir ki, Könül Aydın istefasının səbəbini belə izah edib:

“İdarəetməsi, elmi sıfır olan, xalqa sədaqəti olmayan insanlarla işləməkdən yoruldum. Məruz qaldığım bütün təzyiqləri, gördüyüm qanunsuzluqları zamanla hər kəs biləcək.. Hələ bu harasıdır... İtirən sizsiniz. Mənim deyil, ölkənin dərdini çəkmək lazımdır artıq. Bunlarla işləmək mümkün deyil, yalnız vuruşmaq olar. İllərlə bunu etdim, indi ən azı, İlahi ədalətə tapşırıb gedirəm. Allah nəyə layiqdirlərsə, onunla qarşılasın əməllərini.

Mafiya (şəbəkə) qalib gəldi. Bunlar sizin idarəçiləriniz, bu da siz. Sağlıqla qalın. Mən çox dedim, siz ayılmadınız. Yuxunuz şirin olsun, mən getdim. Mən bu ölkənin təhsilinin necə əxlaqsızcasına talandığını gördüm və tab gətirmədim, axırda məni uzaqlaşdırdılar. Bunlar - mafiya cəhənnəm. Çoxlarının leşə daraşmış quzğun kimi ordan-burdan dimdik atıb bir az qənimət ələ keçirmək istəkləri lap iyrəndirdi məni. Nə simasız adamlara çevrildiniz. Azərbaycan təhsilini pula satdiniz. Allah bir gün hamınızı çox ağır cəzalandıracaq, qarğa-quzğun sürüsü”.




Bölməyə aid digər xəbərlər
9-07-2024, 07:53 Makron və Hitler...

{sape_links}{sape_article}