Koronavirusa görə bir qəzet bağlanıb
Tarix: 11-08-2020 16:42 | Bölmə: Cəmiyyət / Xəbərlər
Koronavirusa görə bir qəzet bağlanıb

Hökumətin pandemiya ilə mübarizəsini tənqid edən bir epidemioloqla müsahibənin dərcindən sonra Tehranda nəşr olunan “Cahan-e Sənət” qəzetinin fəaliyyəti dayandırılıb.

Reyting.az
“IRNA”-ya istinadla xəbər verir ki, iqtisadiyyat yönlü gündəlik “Cahan-e Sənət” ötən Bazar günü COVID-19-la mübarizə üzrə Milli Mərkəzin üzvü Məhəmmədrza Məhbubfəri danışdırıb. O, müsahibəsində hökuməti pandemiyanın miqyasını ört-basdır etməkdə günahlandırıb, koronavirus hadisələrinin sayının bildirildiyindən 20 qat daha çox ola biləcəyini söyləyib.

Məhbubfər bildirib: “Şəffaf məlumat axını əvvəldən olmayıb. Hökumət yalnız saxta statistika təqdim edib... seçkilərə və inqilabın ildönümünə təsir göstərəcəyi narahatlığına görə”.

“Cahan-e Sənət”in baş redaktoru Məhəmməd Rza Sədi Bazar ertəsi günü “IRNA”-ya açıqlamasında qəzetin fəaliyyətini müvəqqəti olaraq dayandırdığını bildirib.

Nyu-Yorkda yerləşən Jurnalistləri Müdafiə Komitəsi (CPJ) İran hakimiyyətini qərarını ləğv etməyə çağırıb.

CPJ-nin Yaxın Şərq və Şimali Afrika üzrə nümayəndəsi İqnasio Migel Delqado deyib:

"COVID-19-la bağlı müsahibə hazırladığına görə bir qəzeti hədəfə almaq naminə atılan son addım dövrümüzün ən böyük ictimai sağlamlıq böhranı qarşısında məsuliyyətsiz hərəkətdir. “Cahan-e Sənət”in bağlanması İran xalqının rifahına zərər verə bilmək üçün uzun illər davam edən təcrübənin uğursuz davamıdır".

“Sərhədsiz Reportyorlar”ın illik mətbuat azadlığı indeksində 180 ölkə arasında 173-cü sırada yer alan İran jurnalistlərə ən çox təzyiq göstərən ölkələrdən biridir.

Qəzetin bağlanması ekspertlərin İranın rəsmi koronavirus rəqəmlərinə şübhə etdikləri vaxta təsadüf edir. Bazar ertəsinə olan məlumata görə, Səhiyyə Nazirliyi ölkədə 328 mindən çox yoluxma hadisəsi və 18.616 ölüm halını qeydə alıb.

Sızan hökumət məlumatlarına istinadən, “BBC-nin Fars xəbər xidməti” ölənlərin sayının rəsmi rəqəmlərdən təxminən üç dəfə çox olduğunu bildirib. İranda ən az 451.000 insanın koronavirus xəstəliyinə yoluxduğu və təxminən 42.000 insanın öldüyü ehtimal olunur.

Hətta Səhiyyə nazirinin müavini İrəc Hərirçi COVID-19-dan ölənlərin sayının rəsmi olaraq bildirildiyindən daha çox olduğunu etiraf edib.

Reyting.az




Bölməyə aid digər xəbərlər
27-03-2024, 09:47 Macarlar Orbana etiraz edir

{sape_links}{sape_article}