16:23 / 16-04-2024
"Tiktoker Semka" həbs olunub
Bosniya serblərinin liderinə qarşı ittiham aktı təsdiqlənib
Tarix: 12-09-2023 13:40 | Bölmə: Dünya
Bosniya serblərinin liderinə qarşı ittiham aktı təsdiqlənib

Bosniya və Herseqovina Məhkəməsi 1992-1995-ci illər arasında müharibəyə son qoyan Dayton Sülh Sazişinin icrasına nəzarət etmək üçün beynəlxalq ictimaiyyət tərəfindən seçilmiş Ali Nümayəndənin qərarlarını icra etməkdən imtina edən Serbiya lideri Milorad Dodikə qarşı ittiham aktını təsdiqləyib.

Reyting.az
bildirir ki, Dodikin vəkillərinin ittihamnamə ilə bağlı qərar verəcək hakimi dəyişdirmək cəhdi Bosniya və Herseqovina Məhkəmə heyəti tərəfindən rədd edilib.

İttihamnamənin təsdiqi ilə Dodik, eləcə də Bosniya və Herseqovinanın Ali Nümayəndəsi tərəfindən ləğv edilmiş mübahisəli qanunu rəsmi mətbuatda dərc edən Serb Respublikası Rəsmi Qəzetinin direktoru Miloş Lukiç barəsində rəsmi məhkəmə prosesi başladılıb.

Dodikə qarşı ittiham aktının hazırlanması prosesi Xalq Məclisinin qurumda Bosniya və Herseqovina Konstitusiya Məhkəməsinin qərarlarının icra olunmaması ilə bağlı xüsusi qanun qəbul etməsi ilə başlayıb. İyunun 27-də Serb Respublikası qurumunun assambleyası tərəfindən qəbul edilən mübahisəli qanun bir neçə gün ərzində Bosniya və Herseqovinanın Ali Nümayəndəsi Kristian Şmidt tərəfindən ləğv edilib. Üstəlik, qərar ləğv edilsə də, sonra Rəsmi Qəzetdə dərc olunub. Dodik və Serb Respublikası hökuməti iddia edirlər ki, Ali Nümayəndə Şmidtin heç bir legitimliyi yoxdur, çünki o, Birləşmiş Millətlər Təşkilatının Təhlükəsizlik Şurası tərəfindən təsdiqlənməyib.

Bosniya və Herseqovina Prezident Şurasının serb üzvü Zeljka Cvijanovic bildirib ki, Dodikə qarşı ittihamnamənin qəbul edilməsi Serb Respublikası və Serbiya rəsmilərinə qarşı siyasi qarayaxma kampaniyasının davamıdır. Cvijanovic iddia edib ki, bu vəziyyətin hüquq və ədalətlə heç bir əlaqəsi yoxdur və yeganə məqsəd Serb Respublikasının mülkiyyətinin qəsb edilməsinə və Serb Respublikası subyektinin səlahiyyətlərindən məhrum edilməsinə müqavimət göstərənləri aradan qaldırmaqdır.

Serb Respublikası Baş naziri Radovan Viskoviç Dodikə qarşı ittihamnamənin qəbul edilməsinin təəccüblü olmadığını və bu vəziyyətin Serb Respublikasına hücumların davamı olduğunu bildirib.

Serb Respublikası Xalq Assambleyasının sədri Nenad Stevandiç iddianamənin qəbul edilməsinin süni cəhd olduğunu və Serb Respublikası institutlarına qarşı təşkil edilmiş hücumun tərkib hissəsi olduğunu iddia edib.

“Əgər onlar bizim buna cavabımız olmadığını düşünürlərsə, çox yanılırlar”, -deyən Stevandiç əlavə edib ki, ittiham aktından qorxmurlar: “Əksinə, bizim cavabımızdan qorxmalıdırlar. Bu, sülhə, Deyton Sülh Müqaviləsinə hücum və Ali Nümayəndənin qeyri-qanuni qərarları ilə məhkəmə nəticələri əldə etmək cəhdidir”.

ELÇİN




Bölməyə aid digər xəbərlər
{sape_links}{sape_article}