16:00 / 22-02-2024
Millimiz yenə uduzub
Hollandiyanın dörd şirkəti Rusiyaya kömək etdiyi üçün cərimələnib
Tarix: 13-10-2023 14:15 | Bölmə: Dünya
Hollandiyanın dörd şirkəti Rusiyaya kömək etdiyi üçün cərimələnib

Hollandiya prokurorları 2014-2017-ci illər arasında Avropa İttifaqının (Aİ) Rusiyaya qarşı tətbiq etdiyi sanksiyaları pozduğu üçün dörd holland şirkəti və 8 nəfəri Moskvaya Krım körpüsünün tikintisinə kömək etdiklərinə görə cərimələyib.

Reyting.az
“Röyter” agentliyinə istinadla bildirir ki, 8 nəfər 20 saatdan 60 saata qədər ictimai işlərə məhkum edilib və şirkətlər ümumilikdə 160 min avro (169 min dollar) məbləğində cərimə ödəyiblər.

“İştirak edən şirkətlər Kerç boğazı üzərindən körpünün tikintisi üçün maşınlar, maşın hissələri və digər xidmətlər təqdim ediblər. Krım körpüsü qismən Hollandiyanın bilik və təcrübəsindən istifadə sayəsində inşa edilib”,- prokurorluq bildirib.

Şirkətlərdən birinin 71 330 avro məbləğində qadağan olunmuş mal və xidmətlərin tədarükündən faydalandığı da qeyd olunur. Qeyri-qanuni yolla əldə edilmiş bu müavinət Hollandiya prokuroru tərəfindən müsadirə edilib. Prokurorluq şirkətlərin adını açıqlamayıb.

Qeyd edək ki, Krım körpüsü Kerç boğazı vasitəsilə Krım yarımadasını Rusiya ərazisi ilə birləşdirir. Körpünün tikintisinə 2016-cı ilin fevralında Krımın Rusiya tərəfindən işğalından sonra başlanılıb. Körpü 2018-ci ilin may ayında avtomobil, 2019-cu ilin dekabrında isə dəmir yolu nəqliyyatı üçün istifadəyə verilib.

Hazırda Ukrayna vaxtaşırı Krım körpüsünə hücum edərək körpüyə ziyan vurur. Xüsusilə, bu ilin iyul ayının 17-də körpüyə hücum zamanı nəqliyyat vasitələrinin hərəkət etdiyi hissə dağıdılıb. Zədələnmiş ərazini bərpa etmək üçün ruslara demək olar ki, iki aya yaxın vaxt lazım olub. Körpünü Ukrayna dəniz dronlarından qorumaq üçün ruslar onun yaxınlığında barjları, bərələri sürüşdürür və bumlar yaradırlar. Mütəxəssislərin fikrincə, bu, yerüstü dronların işini bir qədər çətinləşdirsə də, mümkünsüz etməyəcək.

Y. QACAR




Bölməyə aid digər xəbərlər
{sape_links}{sape_article}