Zelenski: Müharibə yaxın vaxtlarda dayandırıla bilər
Tarix: 03-04-2025 23:02 | Bölmə: Dünya
Zelenski: Müharibə yaxın vaxtlarda dayandırıla bilər

Ukrayna müharibənin tez bir zamanda bitməsini istəyir və qeyd-şərtsiz atəşkəsə razılaşıb.

Reyting.az
“RBC-Ukraina”ya istinadla xəbər verir ki, bunu Ukrayna prezidenti Vladimir Zelenski Çerniqov vilayətinin ərazi icmalarının rəhbərləri ilə görüşündə deyib.

Prezident bildirib ki, amerikalılarla ruslar arasında atəşkəslə bağlı danışıqlar getsə də, Rusiya hələlik bununla razılaşmayıb.

Zelenski əlavə edib ki, amerikalı və avropalıların fərqli maraqları olsa da, tezliklə atəşkəsin əldə olunması üçün hamımız birləşmişik.

Onun sözlərinə görə, indi Rusiya tərəfinə təzyiq məsələsi çox kəskindir.

"Düşünürəm ki, atəşkəs yaxın bir neçə həftə, bəlkə də aylar ərzində əldə edilə, ya da fərqli ola bilər".

Onun fikrincə, atəşkəs Ukraynanın artıq razılaşdığı düzgün addımdır. O qeyd edib ki, əvvəlcə bunlar bir və ya iki aylıq razılaşmalar ola bilər, lakin bu, sonradan diplomatik danışıqlara imkan yaradacaq.

Onu da qeyd edək ki, ABŞ nümayəndə heyətləri daha əvvəl Ukrayna və Rusiya nümayəndələri ilə görüşüblər. Xüsusilə, Kiyev və Moskva arasında 30 günlük atəşkəs müzakirə olunub.

E. KAMAL




Bölməyə aid digər xəbərlər