İranın kəşfiyyat komandiri və daha 19 nəfər öldürülüb - Yenilənib
Tarix: 30-09-2022 23:42 | Bölmə: Dünya
İranın kəşfiyyat komandiri və daha 19 nəfər öldürülüb

İranın Sistan və Bəlucistan əyalətinin Zahidan şəhərində cümə namazından sonra polis məntəqəsinə atəş açılıb.

Reyting.az
-ın məlumatına görə, İran mətbuatı yazır ki, atışma nəticəsində bir neçə nəfər ölüb, onlarla insan yaralanıb.

Hücum zamanı İran İnqilab Keşikçiləri Korpusunun (SEPAH) kəşfiyyat komandiri, polkovnik Əli Musəvi də ağır yaralanıb. Ə. Musəvi xəstəxanaya aparılsa da, onun həyatını xilas etmək mümkün olmayıb.

***

İranın Sistan və Bəluçistan əyalətinin Zahidan şəhərində baş verən silahlı hücumda 19 nəfər ölüb, 20 nəfər yaralanıb.


Məlumata görə, ötən gün Zahidan şəhərində 3 polis mərkəzinə silahlı hücum edilib.

Zahidan şəhərində baş verən hadisələrlə bağlı 1 oktyabr tarixində şəhərin orta məktəblərində və universitetdə tətil elan edilib.

Zahidan şəhərində baş verən terror hadisəsinin məsuliyyətini "Ceyşul-Zülm" adlı terror qruplaşması üzərinə götürüb.

İran təhlükəsizlik qüvvələri baş verən terror hadisəsini törətməkdə şübhəli bilinənlərdən bir neçəsinin həbs olunduğunu bildirib. Onlardan külli miqdarda silah-sursat götürülüb.



Reyting.az




Bölməyə aid digər xəbərlər
{sape_links}{sape_article}