00:11 / 14-06-2024
Bu gün "Son zəng"dir
Agentlik sədri aparat rəhbəri təyin olunub - (Yenilənib)
Tarix: 29-05-2024 11:30 | Bölmə: Xəbərlər
Agentlik sədri aparat rəhbəri təyin olunub - (Yenilənib)

Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədri Mustafa Abbasbəyli vəzifəsindən azad edilib.

Reyting.az
Referans.az-a istinadla xəbər verir ki, Mustafa Abbasbəyli Mədəniyyət Nazirliyinə Aparat rəhbəri təyin olunub.

Bununla bağlı nazir Adil Kərimlinin əmr imzaladığı bildirilir.

Qeyd edək ki, Abbasbəyli Mustafa Aslan oğlu 1980-ci ildə Gəncə şəhərində ziyalı ailəsində anadan olub. 1996-2000-ci illərdə Xəzər Universiteti, 2000 - 2001-ci illərdə Türkiyənin Ege Universiteti, 2001-2003-cü illərdə isə Ankara Universitetində təhsil alıb.

2009-cu ildə doktorluq dissertasiyasını müdafiə edib. Hüquq üzrə fəlsəfə doktorudur.

M. Abbasbəyli 2004 - 2014-cü illərdə "Standard Insurance" Sığorta Şirkətində bir sıra rəhbər vəzifələrdə çalışıb.

2014-2016-cı illərdə “ISR Auto/Toyota Baku” şirkətinin, 2016-2018-ci illərdə "Beyli Group" şirkətinin baş direktoru, 2018-2019-cu illərdə Azərbaycan Sığortaçılar Assosiasiyasının sədri vəzifəsində, 2019-2020-ci illərdə Azərbaycanın əmək və əhalinin sosial müdafiəsi nazirinin müşaviri vəzifəsində çalışıb.

2 iyul 2020-ci ildən etibarən isə Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədri idi.  

***

Dövlət Məşğulluq Agentliyinin İdarə Heyətinin sədri Mustafa Abbasbəyli vəzifəsindən azad edilib.

Bu barədə Əmək və Əhalinin Sosial Müdafiəsi Nazirliyindən məlumat verilib.

Qeyd edilib ki, M. Abbasbəylinin işdən azad olunmasının səbəbi başqa işə keçməsidir.

Xatırladaq ki, M. Abbasbəyli 2020-ci il iyulun 2-dən etibarən Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədri vəzifəsində çalışırdı.




Bölməyə aid digər xəbərlər
{sape_links}{sape_article}