Yoxsulun süfrəsi... - M. Əliyeva yazır
Tarix: 13-05-2019 21:02 | Bölmə: Mətanət ƏLİYEVA
Yoxsulun süfrəsi...

Ramazan ayının yarısına az qalıb. Rayondakı qohumlarımızdan məsciddə kimlərin ehsan süfrəsi açmasını soruşdum. Məlum oldu ki, hələ heç kim məsciddə ehsan süfrəsi açmayıb. Bu da əhalinin ildən-ilə yoxsullaşmasının nəticəsidir.

Əvvəlki illərdə Ramazan ayı başlayan kimi Hacıqabulun Xilə məscidində ehsan süfrələri açılırdı. İndi isə, rayonda elə adamlar var ki, evində də iftar süfrəsi açmağa imkanı yoxdur. Əhalinin əksəriyyətinin adı ərzaq mağazalarının nisyə dəftərindədir.

Rayonda mal qarnının kiloqramı 2 manatdır. Bir nəfər qadın dedi ki, 2 manat pul tapmır ki, qarın alıb qutab bişirsin. Bunu Bakıda bir nəfərin yanında danışanda ağladı.

Oxucular deyə bilərlər ki, rayon camaatı işləmək istəmir. Amma elə deyil. Hacıqabul əhalisi çox zəhmətkeşdir. Ən ağır işdə də işləməyə hazırdır. Rusiyanın müxtəlif şəhərlərinə, hətta Sibirin kəndlərinə gedib təsərrüfatlarda işləyirlər, amma öz torpağımızı becərmək üçün hökumət onlara şərait yaratmır.

Çox istərdim ki, yerli icra hakimiyyətləri Ramazan ayında heç olmasa, həftədə bir dəfə məscidlərdə büdcə vəsaiti hesabına ehsan verib, imkansızları sevindirsinlər. Bunu yazmaq istəmirdim, çünki icra başçıları 5-3 manat qazanan “yetim” sahibkarlara ehsan süfrəsi açdırıb, öz adlarına çıxa bilərlər.

Hər ay xaricdən minlərlə tüfeyli ölkəmizə gəlib, beynəlxalq tədbir adı ilə yeyib-içirlər, amma öz vətəndaşlarımız arasında elələri var ki, doyunca yemək tapmır.

Allah hər adamın ehsanını qəbul eləməz. Qəbul olunmuş bir ehsan haqqında danışmaq istəyirəm. Bir nəfər təqaüdçü qadın tez-tez redaksiyamıza gəlirdi. Oğlu həbsxanada cəza çəkən bu qadın təqaüdünü alan kimi oğluna yemək aparırdı. Bilirsiniz ki, məhbuslara dövlətin ayırdığı pulu bəzi məmurlar oğurlayırlar.

Özü ac qalıb, oğlunu yedizdirən qarı dedi ki, “rəfiqəmlə telefonla danışırdım. Dedim ki, ürəyim düşbərə istəyir, bir az qoyun əti olsaydı, düşbərə bişirərdim. Bu vaxt qapının zəngi çalındı. Rəfiqəmə dedim, gözlə, görüm kimdir. Qapını açanda bir nəfər dedi ki, bu qoyun ətidir, qurban kəsib paylayırıq. Payı aldım, ağlamaq məni tutdu”.

İslam dini budur. Bəzi boşboğaz, özündənrazı, dayaz gənclər özlərini yazar hesab edir, millətin hüquqsuz, səfalət içərisində yaşamasında islam dinini günahkar bilirlər, amma bir kafir məmuru belə tənqid etməyə cəsarətləri çatmır, çünki azad deyillər, hasısa mafiozdan, yaxud xarici kəşfiyyatdan pul alırlar. Onlardan soruşmaq lazımdır ki, Quranın hansı surəsində, hansı ayəsində yazılıb ki, müsəlman oğurluq etməlidir, yalan danışmalıdır, zina etməlidir, haram yeməlidir?

Müsəlman ölkəsində yaşamaq hələ müsəlman olmaq demək deyil. Bizim rüşvət alan məmurlarımız kafirdirlər. Allah onlara lənət eləsin! Müsəlman o adamdır ki, Quranın dediklərinə əməl edir. Allah, yekəbaş, dinsiz, haqsızlığa qarşı bir kəlmə yazmağa cəsarəti çatmayan gənc və qoca yazarlara da lənət eləsin! Mən gözəl başa düşürəm ki, ən istedadlı adam belə bu oğru, xalqın qanını içən məmurlara yaltaqlanmasa, bütün qapılar onun üzünə bağlanır. Amma sənətkar, ziyalı siyasi cərəyanlara yox, siyasi rejimlərə yox, xalqa xidmət etməlidir. Bu mənada Lev Tolstoy mənim üçün nümunədir.

Yaltaqlara və haqsızlığa susanlara Allah lənət eləsin! Susmayın, qarşıda bizi daha ağır faciələr gözləyir. Allah sizə istedad veribsə, onu Allahın bəndələrinə sərf etməlisiniz, insanlara zülm edənlərə yox.

Bütün hakimiyyətlərin dövründə dövlət başçılarından bəhrələnmiş, oğlanlarını, kürəkənini vəzifəyə təyin etdirmiş şair Bəxtiyar Vahabzadənin oğlu İsfəndiyar Vahabzadə bu gün vəzifəsiz qalıb deyə iqtidarı yüngül formada tənqid etməyə başlayıb. Əminəm ki, sabah ona vəzifə versələr, susacaq.

Allah xalqımız pis gün göstərməsin. Amma bundan da pis ola bilər. Kəllə rəvayəti var. Ata ilə oğul gur axan çayın kənarı ilə gedirmiş. Görürlər ki, bir kəllə fırlana-fırlana çay boyunca üzür.

Ata deyir:

- Allah bundan betərindən saxlasın.

Oğul deyir:

- Bundan betər nə ola bilər ki?

Bu vaxt kəllə daşa dəyib parçalanır.

Ata deyir:

- İndi gördün, bundan da betər ola bilir.

Allah ehsanlarınızı qəbul eləsin!скачать dle 10.5фильмы бесплатно




Bölməyə aid digər xəbərlər
13-05-2019, 21:02 Mətanət ƏLİYEVA - Yoxsulun süfrəsi... - M. Əliyeva yazır
31-03-2019, 11:49 Mətanət ƏLİYEVA - Qarşıdakı faciə və üçüncü qüvvə... - M. Əliyeva yazır
16-03-2019, 13:13 Mətanət ƏLİYEVA - Batan gəminin kapitanı - M. Əliyeva
31-12-2018, 13:54 Mətanət ƏLİYEVA - Xoşbəxtlik modeli - M. Əliyeva yazır
16-12-2018, 21:22 Mətanət ƏLİYEVA - Solçu düşüncə, nostalji hisslər... - M. Əliyeva yazır
20-11-2018, 16:52 Mətanət ƏLİYEVA - Talanan sərvət ... - M.Əliyeva yazır
19-10-2018, 23:00 Mətanət ƏLİYEVA - Qadın həbsxanası və pişiyin evi
10-05-2018, 10:37 Mətanət ƏLİYEVA - Allahşükür Paşazadə və Skarlet Oxara
23-04-2018, 09:56 Mətanət ƏLİYEVA - İkinci Hitler peyda olacaq
31-03-2018, 07:11 Mətanət ƏLİYEVA - Əlinin bayramı
17-03-2018, 16:04 Mətanət ƏLİYEVA - Bir günlük sevgi
3-03-2018, 08:26 Mətanət ƏLİYEVA - Nazirin ölüm kanalı
6-02-2018, 13:51 Mətanət ƏLİYEVA - Süpürgə pulu
20-01-2018, 11:56 Mətanət ƏLİYEVA - Şeytanın nökərləri
13-01-2018, 14:45 Mətanət ƏLİYEVA - Rasim Musabəyov və məkri-zənən
6-01-2018, 15:44 Mətanət ƏLİYEVA - Ümid qaloşa qalıb
23-12-2017, 11:40 Mətanət ƏLİYEVA - Putin variantı və miskin qullar
14-12-2017, 13:55 Mətanət ƏLİYEVA - Məhkəmə və oğru qanunları
7-12-2017, 13:54 Mətanət ƏLİYEVA - Kralların biabırçılığı
30-11-2017, 12:28 Mətanət ƏLİYEVA - Vacib əməl
20-11-2017, 13:08 Mətanət ƏLİYEVA - Qəriblər ağası və gömrük münasibətləri
5-11-2017, 14:52 Mətanət ƏLİYEVA - Bakı və Cocuq Mərcanlı
28-10-2017, 14:21 Mətanət ƏLİYEVA - Ruhun rahatlığı
14-10-2017, 14:36 Mətanət ƏLİYEVA - Su, su, su!!!
12-10-2017, 16:30 Mətanət ƏLİYEVA - Biznesin süqutu
4-10-2017, 14:41 Mətanət ƏLİYEVA - Bizə pul lazımdır
19-09-2017, 14:59 Mətanət ƏLİYEVA - Böyük oğurluq
11-06-2017, 15:57 Mətanət ƏLİYEVA - Ölü karvanı
29-05-2017, 16:39 Mətanət ƏLİYEVA - Tutulmayan oğru...
11-05-2017, 14:27 Mətanət ƏLİYEVA - Göydən gələn daş
4-05-2017, 13:59 Mətanət ƏLİYEVA - Deputat və balıq mafiyası
22-04-2017, 12:22 Mətanət ƏLİYEVA - Pambıq və zibilqabı
11-04-2017, 16:07 Mətanət ƏLİYEVA - Qarabağ atı, Heydər Əsədov və üç qadın
24-03-2017, 16:43 Mətanət ƏLİYEVA - Bizim Venesiya
14-03-2017, 12:59 Mətanət ƏLİYEVA - Əsas hədəf
6-03-2017, 10:51 Mətanət ƏLİYEVA - Xoşbəxt şair
25-02-2017, 14:10 Mətanət ƏLİYEVA - Qorxulu nağılbazlar
19-02-2017, 14:20 Mətanət ƏLİYEVA - Ağıllı vəzir
30-01-2017, 13:33 Mətanət ƏLİYEVA - Asan işin çətin tərəfi
17-01-2017, 18:05 Mətanət ƏLİYEVA - YAP-çıların çömçəsi
5-01-2017, 14:21 Mətanət ƏLİYEVA - Ayaz Mütəllibovun haqqı
12-12-2016, 14:51 Mətanət ƏLİYEVA - Xoruz ili və “kotyol” mətbuatı
6-12-2016, 14:19 Mətanət ƏLİYEVA - Susmuş aclar
1-12-2016, 14:05 Mətanət ƏLİYEVA - Şirməmməd Hüseynov və oğru qanunları
22-11-2016, 15:51 Mətanət ƏLİYEVA - Yarımçıq demokratiya
8-11-2016, 14:38 Mətanət ƏLİYEVA - Oğruların sığınacağı
24-10-2016, 14:14 Mətanət ƏLİYEVA - Müstəqillik zəhəri
16-10-2016, 15:38 Mətanət ƏLİYEVA - Xoşqədəmin güzgüsü
11-10-2016, 14:20 Mətanət ƏLİYEVA - Dözülməz mühit
3-10-2016, 13:15 Mətanət ƏLİYEVA - Ögey Şamaxı

{sape_links}{sape_article}