Rusiyanın keçid məntəqələri bloklanır
Tarix: 13-10-2023 16:33 | Bölmə: Dünya
Rusiyanın keçid məntəqələri bloklanır

Latviya hökuməti 2023-cü il oktyabrın 16-dan etibarən Latviya-Rusiya sərhədindəki “Vientuli” və “Pededze” keçid məntəqələrinin fəaliyyətini dayandıracaq.

Reyting.az
xəbər verir ki, bu barədə Ukrayna Xarici İşlər Nazirliyinin şərhində deyilir.

Ukrayna Xarici İşlər Nazirliyi Latviya tərəfinə istinadla bildirir ki, bu addım Rusiya Federasiyasının Ukrayna vətəndaşlarına üçüncü ölkələrin ərazisindən onun ərazisinə girişi ilə bağlı tətbiq etdiyi məhdudiyyətlərə cavabdır.

Diqqətə çatdırılır ki, Latviyanın “Vientuli” və “Pededze” keçid məntəqələrinin öhdəsindən gəlmək üçün müvafiq infrastrukturu yoxdur.

Bununla əlaqədar, 2023-cü il oktyabrın 16-dan etibarən üçüncü ölkələrdən olan Ukrayna vətəndaşlarının Rusiya ərazisinə girişinə yalnız Rusiya dövlət sərhədinin “Şeremetyevo” (Moskva) hava keçid məntəqəsində icazə veriləcək. Ukrayna Xarici İşlər Nazirliyi Ukrayna vətəndaşlarına təcavüzkar dövlətin ərazisinə səfər etməkdən çəkinmək, habelə Latviya ərazisindən Rusiyaya daxil olmağın mümkünsüzlüyünü nəzərə almaqla bağlı tövsiyələrini bərpa edir.

Qeyd olunur ki, Ukrayna vətəndaşlarının Rusiya Federasiyası ərazisindən Latviyaya getməsi Ubiyinka-Qrebnevo və Buraçki-Terehova keçid məntəqələri vasitəsilə mümkündür.

Oktyabrın 11-də Ukrayna Xarici İşlər Nazirliyi bildirib ki, 2023-cü il oktyabrın 16-dan Rusiya Federasiyası Ukrayna vətəndaşlarının üçüncü dövlətlərin ərazisindən öz ərazisinə girişinə məhdudiyyətlər tətbiq edəcək. Rusiya Federasiyası Hökumətinin sərəncamına əsasən, üçüncü ölkələrdən Ukrayna vətəndaşlarının Rusiya ərazisinə daxil olmasına yalnız Rusiya dövlət sərhədindən keçən iki buraxılış məntəqəsində icazə veriləcək:

1. Şeremetyevo hava keçid məntəqəsi (Moskva);

2. Pskov vilayətində (Latviya Respublikası ilə sərhəd) “Ludonka” avtomobil buraxılış məntəqəsi.

Məlumata görə, məhdudiyyətlər müstəqil şəkildə və ya Rusiya vətəndaşlarının müşayiəti ilə Rusiya ərazisinə daxil olan 14 yaşına çatmamış Ukrayna vətəndaşlarına şamil edilməyəcək. Xarici İşlər Nazirliyi qeyd edib ki, bu istisna ukraynalı uşaqların qaçırılması və onların Rusiya Federasiyasına qanunsuz aparılması siyasətinin davam etdirilməsi üçün nəzərdə tutulub. Şəxsi təhlükəsizlik üçün yüksək risklər olduğuna görə, Ukrayna Xarici İşlər Nazirliyi ukraynalılara təcavüzkar dövlətin ərazisinə hər hansı səfərdən çəkinməyi, bu ölkədə olanların isə dərhal onun ərazisini tərk etmələrini tövsiyə edib.

ELÇİN




Bölməyə aid digər xəbərlər
27-02-2024, 10:15 Patruşev Kubaya gedib

{sape_links}{sape_article}