00:11 / 14-06-2024
Bu gün "Son zəng"dir
Ukraynaya sursat üçün cəmi dörd ölkə pul verib
Tarix: 29-05-2024 23:18 | Bölmə: Dünya
Ukraynaya sursat üçün cəmi dörd ölkə pul verib

Çexiyanın müdafiə naziri Jana Cernoxova Avropa müttəfiqlərini Çexiyanın silah-sursat təşəbbüsünə maliyyə yardımı etməyə çağırıb. Nazir deyib ki, indiyədək yalnız dörd ölkə öz maliyyə öhdəliklərini yerinə yetirib.

Reyting.az
xəbər verir ki, 18 ölkə Çexiyanın Ukrayna üçün sursat almaq təşəbbüsünə qoşulub. Maliyyə dəstəyi vəd edən ölkələrin sayı artsa da, yalnız bir neçəsi pul ayırıb.

Çexiya Müdafiə Nazirliyinin rəhbəri maddi-texniki və maliyyə problemlərinə işarə edərək “Vəsaitlər tədricən bizə gəlir, amma bəzi ölkələr memorandumu imzalayıb, lakin hələ də vəsait göndərməyibsə, biz satınalmaya davam edə bilmərik. Bu, artıq memorandumları imzalamış hökumətlərə pul göndərmək üçün bir növ çağırışdır”,- deyib.

Onun sözlərinə görə, sursat almaq üçün yalnız Kanada, Danimarka, Hollandiya və Portuqaliya pul göndərib.

Qeyd edək ki, Çexiya Ukrayna üçün yüz minlərlə mərmi tapdığını, lakin onlar üçün pul toplamaq lazım olduğunu bildirib. Aprel ayında 20 ölkənin Çexiya təşəbbüsünə qoşulduğu açıqlanıb. Bəzi ölkələrin bu təşəbbüsə gizli qoşulduğu bildirilir.

Məlumata görə, Polşa bu mərmilərin Ukraynaya çatdırılmasına kömək edə bilər və Varşava da Çexiya təşəbbüsünə qoşulub.

Çexiyanın baş naziri Petr Fiala 155 mm-lik ilk on minlərlə sursatın iyun ayında Ukraynaya gələcəyini deyib və əlavə edib ki, Ukrayna yaxın bir neçə gün ərzində ilk partiyanı gözləyə bilər.

Onu da qeyd edək ki, söhbət Ukraynaya bir milyon mərmi tapmaq və göndərməkdən gedir.

ELÇİN




Bölməyə aid digər xəbərlər
{sape_links}{sape_article}