Öldüyü elan edilən “Əl-Qaida” liderinin müraciəti yayılıb - Video
Tarix: 14-09-2021 17:30 | Bölmə: Dünya
Öldüyü elan edilən “Əl-Qaida” liderinin müraciəti yayılıb

Öldüyü elan edilmiş “Əl-Qaida” terror təşkilatının sonuncu lideri Eymen el Zevahirinin 11 sentyabr terror hücumunun 20-ci ilində video-mesajı yayılıb.

Reyting.az
xəbər verir ki, Zevahirinin video-müraciətinin yeni və ya köhnə olduğu dəqiq bilinmir.

Terror qrularını təqib edən “SİTE İntelligence Group” saytının məlumatına görə, Zevahirinin videosu cümə ertəsi yayımlanıb.

Zevahiri çıxışı zamanı “Qüds əsla yəhudiləşdirilməyəcək!”,- deyib.

Amma Zevahiri “Taliban”ın Əfqanıstanın paytaxtı Kabili ələ keçirməsi və hökumət qurması haqqında bir kəlmə də danışmayıb. Bu səbəbdən mütəxəssislər bu video-mesajın köhnə olmasını istisna etmirlər.

Xatırladaq ki, Eymen el Zevahiri “Əl-Qaida”nın yaradıcısı Usame bin Ladenin ən yaxın silahdaşı olub və onun ölümündən sonra terror təşkilatının başına keçib. Qeyri-rəsmi məlumatlara görə, Zevahiri 2020-ci ilin sonlarından xəstəlik səbəbindən ölüb.

Məlumata görə, Zevahiri çıxışı zamanı “ABŞ-ın ürəyini yaralayan” və “daha əvvəl heç yaşamadığı acıları yaşadan” 11 sentyabr hücumunu xatırladıb.

Qeyd edək ki, 11 sentyabr hücumu zamanı Zevahiri “Əl-Qaida” terror təşkilatında Bin Ladendən sonra ikinci şəxs idi.





Bölməyə aid digər xəbərlər
{sape_links}{sape_article}