Məmur oğlu bacısını qətlə yetirib - Fotolar
Tarix: 20-09-2020 18:38 | Bölmə: Xəbər lenti
Məmur oğlu bacısını qətlə yetirib

Xəzər Rayon İcra Hakimiyyəti Başçısının Türkan qəsəbəsi üzrə nümayəndəsi Rahil Babayevin ailəsində dəhşətli faciə yaşanıb. Rahil Babayevin oğlu Məhəmməd Babayev odlu silahdan atəş açaraq bacısı Aydan Babayevanı öldürüb.

R. Babayevin 2-ci ailəsində törədilən qətlin motivi hələlik bəlli deyil.

İlkin məlumata görə, hadisə Rahil Babayevə məxsus Türkan-Hövsan yolunun kənarındakı istirahət mərkəzinin ərazisində baş verib.

Reyting.az xəbər verir ki, Müsavat.com-un əməkdaşı məsələ ilə bağlı Baş Prokurorluğun mətbuat xidməti ilə əlaqə saxlayıb.


R. Babayev

Xidmətdən bildiriblər ki, dəhşətli olayla bağlı Cinayət Məcəlləsinin 120-ci maddəsi ilə cinayət işi başlanıb.

Xatırladaq ki, Rahil Babayevin adı ahıl yaşda olan 2 qəsəbə sakininin torpaq sahəsinin ələ keçirilməsi ilə bağlı mətbuatın gündəminə gəlmişdi.

80 yaşlı Afət Əzizova və 91 yaşlı Xumarə Şabanova deyirdilər ki, Rahil Babayevin də olduğu dəstə onlara saxta ölüm şahədətnaməsi düzəldib. Onların ailə tərkibləri haqda saxta arayış yazaraq imzalayıb və sonradan boş torpaq sahələrinə aid sənədlər üzrə saxtakarlıqlar həyata keçirilib.


A. Əzizova və X. Şabanova

Məsələnin üstü Afət Əzizova torpaq sahəsini oğlunun adına keçirmək istəyərkən açılıb. İşə Xəzər Rayon Polis İdarəsinin İstintaq Şöbəsində baxılırdı. İlkin araşdırmalardan sonra cinayət işinin başlanması rədd edilib. Afət Əzizova və Xumarə Şabanova Baş Prokurorluğa gedərək onlara qarşı baş vermiş cinayətin Korrupsiyaya Qarşı Mübarizə İdarəsində araşdırılmasını tələb ediblər.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}