Müxalifətin Paşinyana qarşı yeni planı işə salınıb - Video
Tarix: 16-01-2021 14:14 | Bölmə: Xəbər lenti
Müxalifətin Paşinyana qarşı yeni planı işə salınıb

Ermənistan müxalifəti Baş nazir Nikol Paşinyana qarşı yeni siyasi taktikaya start verib.

Reyting.az
-ın məlumatına görə, 44 günlük müharibədən sonra Ermənistandakı radikal müxalifətin ölkənin Baş nazirinə qarşı çıxardığı vahid namizədi Vazgen Manukyanın regionlara səfəri başlayıb.

Manukyan əvvəlcə Gümrüdə olub. Bu gün isə Vanadzora gedərək yerli sakinlərlə görüşüb. Görüşün Vanadzordakı Lori mərkəzində keçirilməsi diqqəti çəkib. İlkin müşahidələr göstərib ki, Vazgen Manukyan burada minlərlə tərəfdar tapmayıb, bu səbəbdən də görüşünü qapalı məkana salmağa məcbur olub.

“Vətənin Xilası Hərəkatı” adlı qurumun lideri olan Manukyan burada ölkədəki ictimai-siyasi vəziyyət və gələcək planlarını yerli sakinlərlə bölüşüb.

Dağlıq Qarabağdan, müharibədəki uğursuzluqdan bəhs edən Manukyan sonda Nikol Paşinyanı istefaya səsləyib.

Yeri gəlmişkən, Manukyanın Gümrü səfəri də uğursuz olub. İlkin məlumatlara görə, Gümrüdə Manukyanı qarşılayan yerli ermənilər ona etiraz ediblər. Manukyan isə jurnalistlərlə söhbəti əsnasında ona etiraz edənlərin hökumətin ssenarisi və “bomoj” adlandrıb. Bu isə Ermənistandakı hüquq müdafiəçilərinin kəskin etirazına səbəb olub.

Görünən budur ki, “Qarabağ klanı”nın “müqəvva” namizədi Manukyan və arxasında duran qüvvələrin bölgələrdə gərginlik yaratmaqla N. Paşinyanı fakt qarşısında qoymaq planı uğursuzluğa düçar olur.

Bu prosesdə təhlükəli məqam Qriqoryan kilsəsinin Manukyanın səfərinə müsbət yanaşmasıdır. Görüşlər zamanı ilk olaraq məhz keşişlər danışır.





Bölməyə aid digər xəbərlər
{sape_links}{sape_article}