Köhnə rəqiblər yenidən üz-üzə gəlir
Tarix: 14-01-2022 11:14 | Bölmə: Dünya
Köhnə rəqiblər yenidən üz-üzə gəlir

2024-cü ildə ABŞ-da keçiriləcək prezident seçkilərindən əvvəl sabiq prezident Donald Trampın yenidən namizəd olacağı bildirilsə də, indi daha çox hazırki dövlət başçısı Baydenin vəziyyəti müzakirə olunur. Çünki demokratların Hillari Klintonla seçkiyə hazırlaşdığı haqda məlumatlar yayılıb.

Reyting.az
xəbər verir ki, ABŞ-da Demokratlar Partiyasından olan iki senator 2024-cü ildə keçiriləcək prezident seçkilərində Hillari Klintonu sabiq prezident Donald Trampa qarşı çıxarmağı “ən yaxşı variant” hesab edirlər.

Məlumata görə, ABŞ prezidenti C. Bayden bir il ərzində bir çox böhranlarla üzləşib və onun populyarlığının aşağı düşməsi demokratları yeni namizəd tapmağa sövq edib.

Demokratların qarşıdan gələn seçkilərdə Hillari Klintonu Donald Trampla qarşılaşdırmaq istədiyi bildirilir. Demokrat konqresmenlərdən Duqlas E. Şoen və Endryu Steyn “Wall Street Journal”a bildiriblər ki, onlar bunun keçmiş dövlət katibinin siyasi dönüşü üçün zəmin yarada biləcəyini proqnozlaşdırırlar.

C. Baydenin qalib gələcəyi təqdirdə ikinci müddətində 86 yaşına çatacağı nəzərə alınaraq, demokratların fərqli alternativləri dəyərləndirməyə başladığı qeyd olunur.

“Demokratların 2022-ci ildə Konqresə nəzarəti itirməsi ehtimalını nəzərə alaraq, biz proqnozlaşdırırıq ki, aralıq seçkilərdən az sonra Klinton özünü demokratları yeni və daha uğurlu yola apara biləcək təcrübəli namizəd kimi göstərməyə başlayacaq”, - ekspertlər bildiriblər.

“Klintonun Vaşinqtonda dərin kökləri və təcrübəsi olan birinci xanım, daha sonra ABŞ senatoru, sonra isə dövlət katibi kimi “fərqli yanaşma” axtaran demokratlar üçün faydalı ola bilər”, - məşhur ABŞ qəzeti yazıb.

Böyük Britaniyanın “Redfield & Wilton Strategies” şirkətinin keçirdiyi sorğu zamanı isə məlum olub ki, ABŞ-da prezident seçkiləri bu gün keçirilsə, ABŞ-ın keçmiş prezidenti D. Tramp hazırki prezident C. Baydeni 6 bal qabaqlayar. ABŞ-dakı oxşar sorğular da Trampın irəlidə ola biləcəyini göstərib. Belə vəziyyətin demokratların qərar qəbul etməsində də təsirli olduğu bildirilir.




Bölməyə aid digər xəbərlər
bütün xəbərlər
{sape_links}{sape_article}