16:18 / 01-03-2024
Navalnı dəfn olunub
Taxıl dəhlizi Rusiyanın iştirakı olmadan işləyir - Moskva geri çəkilib
Tarix: 20-10-2023 17:37 | Bölmə: Dünya
Taxıl dəhlizi Rusiyanın iştirakı olmadan işləyir - Moskva geri çəkilib

Humanitar dəniz dəhlizi Rusiya Federasiyası olmadan uğurla fəaliyyət göstərdiyi üçün Moskvanın “taxıl sövdələşmələrinə” qayıtması ilə bağlı danışıqları artıq mənasızdır.

Reyting.az
xəbər verir ki, bu barədə Ukraynanın Strateji Kommunikasiyalar və İnformasiya Təhlükəsizliyi Mərkəzi məlumat yayıb.

“Yeni formatlı taxıl dəhlizi təcavüzkar dövlətin iştirakı olmadan uğurla fəaliyyət göstərir. 2023-cü ilin sentyabrından 30-dan çox gəmi Ukrayna tərəfindən salınan yeni dəniz dəhlizindən istifadə edib. Ukrayna istənilən şəraitdə məhsulların məsul tədarükçüsüdür, bağlanmış müqavilələr üzrə öhdəliklərinin yerinə yetirilməsini təmin etmək yollarını axtarır”, - deyə məlumatda qeyd olunub.

Bildirilir ki, yeni taxıl dəhlizinin uğurları Rusiyanın Qara Dəniz Taxıl Təşəbbüsünün əlavə halqası olduğunu nümayiş etdirir.

“Moskvanın özünün çıxdığı “taxıl müqavilələri”nə qayıtması ilə bağlı danışıqların artıq mənası yoxdur. Yeni taxıl dəhlizinin uğurlu işləməsi Rusiya donanmasını Qara dənizin şimal-qərb sularından sıxışdırıb çıxaran Ukrayna Müdafiə Qüvvələri sayəsində mümkün olub”,- deyə Strateji Kommunikasiyalar Mərkəzi qeyd edir.

Eyni zamanda, Kiyev tərəfdaşlarını Qara dənizdə gəmiçilik imkanlarını gücləndirməyə çağırır. Xüsusilə, dəniz sularında patrul təşkil etmək, habelə Ukraynanın liman infrastrukturunu Rusiya atəşindən qorumaq üçün əlavə vasitələrlə təmin etmək.

Xatırladaq ki, Ukrayna 2022-ci ilin aprelində “Moskva” kreyserini batıra bilib. 2023-cü ildə isə Rusiyanın böyük desant gəmisi “Minsk” və “Kalibr” qanadlı raketləri daşıya bilən “Rostov” sualtı qayığına ciddi ziyan vurulub. 10 oktyabr 2023-cü ildə Ukrayna “Boiko qazma qurğuları” üzərində nəzarəti bərpa edib - bunlar Qara dənizdə Krım sahillərində qaz və neft qazma platformalarıdır. Rusiya onları 2015-ci ildə işğal edib və tammiqyaslı işğal başlayandan hərbi məqsədlər üçün istifadə ediblər. Xüsusilə, helikopter meydançaları və radar avadanlıqlarının yerləşdirilməsi üçün.

Britaniyanın “Guardian” nəşri oktyabrda işğal olunmuş Krımda Rusiya hədəflərinə edilən hücumları təhlil edərək yazıb ki, Ukrayna Qara dənizi ən azı qismən geri alıb, onu Rusiya hərbi gəmiləri üçün qadağan olunmuş zonaya çevirib.

Onu da qeyd edək ki, 5 oktyabr 2023-cü ildə Ukraynanın Qara dənizi Rusiyadan necə geri alması ilə bağlı məlumatlar yayılıb. Peyk məlumatları göstərir ki, Rusiya işğal altındakı Sevastopoldan iki freqat, üç hücum sualtı qayığı, beş böyük desant gəmisi, bir patrul kateri və kiçik raket gəmilərini geri çəkməyə məcbur olub. Onlar şərqə - daha təhlükəsiz Novorossiysk limanına köçürülüb. Bir qrup başqa qayıq Sevastopoldan Krımın şərq sahillərində yerləşən Feodosiya limanına yola düşüb.

ELÇİN




Bölməyə aid digər xəbərlər
Dünən, 16:18 Navalnı dəfn olunub
28-02-2024, 14:50 Lavrov Türkiyəyə gedir
27-02-2024, 10:15 Patruşev Kubaya gedib

{sape_links}{sape_article}